BAUKAU, STLNEWS.co – Feto nia partisipasaun iha vida ekonomia masimu no ativu tebes, maibe governu laiha lista atu kontrola.
Kestaun nee hatoo husi Feto Potensial, Celestina de Almeida ba STL liu husi telefone, Kinta nee (21/07/2022).
“Feto nia partisipasaun hau haree governu laiha lista ka la halo kontrolu ba sira, maibe ema idak-idak esforsu nia aan kria grupu, asesu kreditu ho funan aas. Partisipasaun feto iha vida ekonomia ativu mak bele fasilita nesesidade uma laran, eduka oan sira ba eskola no hadia uma hodi hela, liu-liu feto faluk/feto sobrevivente, feto neebe hetan violensia ka abandona,” katak nia.
Feto potensial nee haktuir tan, ohin loron feto nia involvimentu iha vida negosiu makaas tebes, maski baln kreditu ho funan neebe mak aas, maibe tanba nesesidade obriga sira tenki esforsu aan hodi faan no selu nia funan sira nee hotu.
Nunee mos Diretora Unidade Feto ba Dezenvolvimentu UFD, Bendita de Jesus Amaral hatutan, tuir nia haree ohin loron feto masimu iha vida ekonomia ou vida negosiu.
(eme)
