Feto Tenke Firme Ho Fuan Forte

BAUCAU, STLNEWS.co – Staf Asosiasaun Chega ba ita (ACbit) Celestina de Almeida hatete, feto tenke hamriik firme ho fuan forte involve an iha parte dezenvolvimentu nasional.

Nia hatete, dala barak feto lakon fiar husi parseiru rasik, no menus asesu informasaun iha parte dezenvolvimentu nasional.

“Feto tenke hamriik firme forte no foti desizaun, liu – liu tenke involve an iha treinamentu sira no bele implementa iha uma laran,” dehan Celestina de Almeida ba jornalista iha salaun Asosiasaun Unidade Feto ba Dezenvolvimentu (A.UFD) Planaltu Baucau, Tersa nee (14/09/2021).

Nia hatutan, razaun feto tenke fuan forte no firme, atu nunee bele hapara violensia uma laran nian, tanba dala barak feto maluk sai lian laek iha sosiedade.

Feto maluk sira neebe mak la hetan oportunidade, dala barak ema mak la rona sira lian no lakon fiar husi parseiru rasik, nunee ACbit liu husi organizasaun naun governamental sira iha Munisipiu Baucau, hanesan Asosiasiasaun Unidade Feto ba Dezenvolvimentu nafatin komprimitidu fo treinamentu ba feto maluk sira liu husi topiku abilidade ba moris nian.

Iha fatin hanesan, Diretora apoiu organizasaun naun governamental i organizasaun komunitaria Baucau, Maria evelina de fatima guterres hatete, nia parte la gosta ema hotu – hotu tau feto maluk sira hanesan feto neebe mak vulneravel liu iha sosiedade nia leet, tanba bainhira moris mai lia fiuan abilidade iha nanis tiha ona, sai markasaun ba ema idak – idak nian.

“Ita feto lalika moe, saida mak hau iha presiza tenke aplika, ita hotu la presiza hein governu mak halo buat hotu,” tenik nia.

Maria hatutan, dezenvolvimentu atu lao diak, feto mos tenke esforsu an sai parseria diak, nomos sai pilar importante ba parte dezenvolvimentu bele haforsa governu nia programa.

Feto la partisipa masimu iha programa dezenvolvimentu nasional, dala barak mos parseiru sira mak kesi metin futuru feto nian, sai deit hein iha dapur.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: