FILTEDA Hahu Prepara Fanu Hikas Komunidade

BAUCAU, STLNEWS.co – João Tadeu Ximenes hanesan diretor ba grupu Film Tebedai (FILTEDA) Baucau hatete, FILTEDA hahu prepara ona atu fanu hikas fila fali komunidade sira konaba buat saida mak akontese ona iha pasadu.

Lia hirak nee diretor teatru FILTEDA, João Tadeu Ximenes haktuir ba jornalista iha nia knaar fatin Uatulete, Segunda nee (30/08/2021).

“Hau garante katak ida nee fanu ita neebe hanesan moris iha tinan 1980 sira sei sente duni,” dehan João.

Nia hatutan, liu husi teatru neebe mak grupu FILTEDA atu hatudu iha loron 4 fulan Setembru tinan nee, sei foka liu ba loron konsulta popular neebe monu iha loron 30 fulan Agostu, nomos ba prosesu rezultadu eleisaun iha loron 4 fulan Setembru tinan 1999.

Nunee liu husi teatru, atu fanu fila fali inan aman sira neebe mak iha tempu uluk partisipa iha loron konsulta popular nee, nomos liu husi teatru nee atu fo hanoin mos ba ba joven sira neebe mak foin moris iha tinan 2000 mai leten, neebe la sente moruk husi prosesu hirak nee, atu bele sente fila fali prosesu pasadu nee saida mak inan aman sira hasoru iha tempu konsulta popular tinan hirak liu ba.

Tadeu hateten, treinu membru sira durante nee ba teatru neebe mak atu aprezenta iha Postu Baguia, autor sira mos domina ona acting oinsa atu atrai audensia sira.

Acting neeba mak atu hatudu liu husi teatru nee mos sei uza efect ran, nunee halo audensia sira labele hanoin deit ba oin, maibe bele hanoin hikas fali ba kotuk ba matebian hirak neebe fakar sira nia ran iha tinan 1999.

Iha fatin hanesan autor teatru grupu FILTEDA Tarsiano Nino Sila hatete, teatru neebe mak atu implementa iha Postu Administrativu Baguia loron 4 fulan Setembru tinan nee, grupu FILTEDA prontu ona atu hatudu teatru iha loron neebe mak determina ona.

“Ami halo preparasaun atu ba aprezenta iha Baguia konaba loron 30 fulan Agostu ligasaun ho istoria neebe uluk hahu funu,” tenik nia.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: