FONGTIL Konsidera Prosesu Rekrutamentu F-FDTL Foun Dezorganizadu

DILI, STLNEWS.co – Forum ONG Timor Leste (FONGTIL), konsidera rekrutamentu ba membru foun FALINTIL – Forsa Defeza Timor Leste (F-FDTL) tinan 2021 dezorganizadu, tanba deklarasaun entre Tenente Jeneral Lere Anan Timur no Komisaun Rekrutamentu kontrariu.

Kestaun nee hato’o husi Diretor Ezekutivu FONGTIL Daniel santos do Carmo katak, prosesu rekrutamentu hotu, tantu iha instituisaun militar ka sivil ou iha funsionariu publiku, hotu – hotu tenke kaer ba prinsipiu boa governasaun.

“Agora kestaun neebe akontese F-FDTL, liu – liu ba katedes foun ba ita nia lamentasaun nee mak, komunikasaun iha estrutura militar nee rasik, laos problema tanba nain 3 elimina ka la elimina ida nee lae, maibe ita kestiona kapasidade komunikasaun kordenasaun iha instituisaun militar,” dehan nia ba jornalista, bainhira remata dialogu iha salaun CNE, Colmera, Dili, Sesta nee (24/09/2021).

Nia dehan, se bainhira Tenente Jeneral halo deklarasaun ida, depois nia ofisiais sira halo deklarasaun seluk, ida nee problema no hatudu momos katak, iha prosesu nee, prosesu ida neebe dezorganizadu oituan.

Nia haktuir, nia preokupa, se bainhira Tenente Jeneral ninia deklarasaun katak, nia sei la elimina membru ruma serake ofisiais sira halo ona deklarasaun ba publiku katak, membru tolu elimina ona.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...