LAGA, STLNEWS.co – Kandidatu Prezidente (PR) Republika, Jose Ramos Horta, wainhira halao mini kampanha eleitoral ho modelu dialogu iha Suku Izoladu Soba, Aldeia Asanunu ho Fatikeri, Postu Administrativu Laga, Munisipiu Baukau, simu afiliasaun militante husi Partidu FRETILIN ho Partidu Libertasaun Popular (PLP), tanba sira nia partidu la tau matan ba sira.
“Hau delegadu Partidu FRETILIN agradese, tanba ho konsiensia ita boot mai too iha fatin nee, iha kompromisu neebe forti tebes-tebes, loke ami nia konsiensia atu ajuda loke ami nia estrada, ami fo apoiu ba ami nia maluk sira neebe hela iha area remotas, tanba ami nia partidu FRETILIN neebe maka kaer ukun, lakohi realiza sira nia promesa neebe maka iha, hanesan hadia estrada, eletrisidade nudar nesesidade baziku ba ami povu kiik iha area rurais,” dehan Francisco da Costa nudar delegadu Partidu FRETILIN iha Suku Soba, Aldeia Asanunu, Segunda nee (11/04/2022).
Nia hatutan katak, Jose Ramos Horta sai ona prezidente, tanba nee fo konfiansa laos ema kiik oan ida maka nomea, maibe mai husi komando da luta, tanba nee liu husi kompromisu neebe halo ona, atu realiza promesa sira nee hadia povu ninia nesesidas prinsipal sira liu husi asaun atual iha terenu, hadia estrada no dada ahi eletrisidade. “Iha Suku Soba, iha rekursu naturais hanesan bee tudak iha suku ida nee, husu ita boot atu koalia ho governu, hodi nunee mos ami nia Sekretariu Estadu SEFOPE, Ilidio Ximenes ho malae sira vizita ona fatin furak nee, husu PR Horta atu simu ona pose iha loron 20 fulan Maiu tinan 2022, favor koalia ho governu atu loke estrada no dada eletrisidade ba Suku Soba,” dehan Francisco.
Kontinua ba pajina 2
