Fulan Rozariu, Sarani Reza Tersu Loron-Loron Husu Tulun Ba Nain Feto

FATUBESI, STLNEWS.co – Fulan Maiu hanesan fulan Rozariu no tempu grasa, tanba nee husu familia idak-idak kontinua reza tersu husu tulun ba Nain Feto, tanba Nain Feto mak besik liu ba Nain Jesus.

Kestaun nee hatoo husi Padre Vigario Parokia Maubisse, Francisco Soares Fernandes ba STL wainhira selebra misa iha Fatubesi, Sabadu nee (07/05/2022).

Padre hatete, fulan Nain Feto nian importante atu hakbesik ba Nain Feto, nunee husu nafatin no harohan daet, atu nunee hetan nafatin grasa no bensaun Maromak nian.

“Fulan Maiu nee fulan neebe pertunu katak tempu grasa nian, tempu bensaun nian, tempu diak ida tempu maksoin nian, tanba Nain Feto hanesan odamatan salvasaun nia liu husi nia mak Jesus mai iha mundu, liu husi nia mos ita hetan grasa, katak liu husi Maria ita too ba Jesus, no Jesus rona Maria,” dehan Padre nee.

Nia hatutan, liu husi Nain Feto bele too Jesus, tanba Jesus mos obedese ba nia inan, tanba nee harohan daet ba Nain Feto bele hetan Grasa no bensaun Maromak nian neebe ema kuda.

“Konvida sarani sira hotu hakbesik nafatin ba reza tersu, tanba reza tersu halo ita nia domin no hamutuk besik liu tan, liu husi Nain Feto mak ita hetan nafatin Maromak nia grasa no bensaun, tanba Nain Feto modelo fiar nia, tanba Nain Feto fiar nain halo tuir deit Maromak nia hakarak,” katak Padre.

(eme)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...