Grupu Afamita Hahu Servisu Halo Hikas Kapelina Tibalari

BAUCAU, STLNEWS.co – Kapelina Tibalari Matebian neebe mak halo husi sarani Parokia Santa Terezinha Quelicai no Parokia Sao Jose, kuaze Parokia Baguia iha tinan dadaun nee kondisaun aat ona, nunee grupu afamita, inisiativa hahu servisu atu halo hikas fali Kapelina Tibalari Matebian.

Reprezentante Sentru Pastoral Laumana, Agostino Freitas ba STL iha Kapelina Tibalari Matebian, Sabadu nee (21/08/2021) hatete, objetivu atu hadia hikas fali Kapelina Tibalari, tanba kondisaun kapelina nee dadaun ladiak ona, tanba loron selebrasaun tinan ba estatua nian mos besik ona, nunee hanesan sarani inisitiva rasik tau osan hamutuk atu hadia hikas fali Kapelina nee.

Nia afirma, orsamentu ba kado ai nian sira la simu osan husi parte igreja, NGO no mos husi estadu, maibe osan selu ba makina neebe mak kado ai nian halo kobransa, nunee mos iha kobransa nee la obriga ema ida, maibe tau tuir ida – ida nia forsa.

“Mina buat hotu – hotu ami hasai osan iha ami nia bolsu mak ami sosa rasik, ho inisiativa, tanba kapela monu,” dehan Agostino.

Nia hatutan, Kapelina Tibalari hanesan kapelina importante tebes ba dioseze tolu nian iha Timor Leste, inklui mos ba sarani internasional tomak neebe mak iha relijiaun Katolika.

Antes atu kado ai rin no ai kabelak ba Kapelina Tibalari nian husi Sentru Laumana, Sentru Abulir, Sentru Buibela, no Sentru Uaiburu antes tinan 2020 halo sosializasaun no kordenasaun atu halo hikas fali Kapelina Tibalari.

Liu husi sosializasaun nee mos fo hatene ba Parokia Santa Terezinha Quelicai, Parokia Sao Jose kuaze parokia baguia nomos Administrador Quelicai no Baguia, i mos Polisia Eskuadra Quelicai no Baguai nian mak deside halao servisu nee.

“Loron 30 ami toba iha nee, loron 31 Padre Vigariu Santa Terezinha sae mai halo misa nunee mos halo ritual lisensa atu kado ai nian,” tenik nia.

Nia hatutan, dadaun Juventude Quelicai hanesan joven arte marsiais sira no estudante sira  komesa ona lalin ai rin no ai kabelak neebe mak didin nia, maibe Parokia Sao Jose kuaze Parokia Baguai nia ema la marka prezensa.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...