Grupu Benefisiariu 27 Iha Manufahi, Asesu Ona Programa Emprendedorizmu Sosial

DILI, STLNEWS.co – Grupu Benefisiaru hamutuk 27 mak asesu ona programa estimulu emprendedorizmu sosial, neebe mak apoiu husi Sekretariu Estadu Juventude no Desportu (SEJD) liu husi Sentru Foinsae Dom Boaventura Manufahi (CEFEBOM – sigla portugues).

“Iha Munisipiu Manufahi grupu 27 mak asesu ona ba programa estimulu emprendedorizmu sosial, Postu Administrativu Same iha grupu 7, Alas grupu   6, Fatuberliu grupu 4 no Turiskai 10,” tenik Menejer Programa CEFEBOM, Anacleto Filipe, ba STL liu husi telefone, Segunda nee (01/08/2022).

Nia dehan, entre grupu 27 nee so iha grupu ida iha Suku Mindelu, Postu Administrativu Turiskai mak iha hela problema ho nia estrutura grupu. Entaun sira nia grupu nee fahe malu tiha, ho nunee mak atividade oras nee daudaun sei paradu hela.

Nunee mos Diretor Kreatividade Juventude SEJD, Cesarino da Silva katak, koalia konaba programa inisiativa joven, liu-liu iha programa estimulu emprendedorizmu sosial, joven barak susesu iha sira nia suku.

“Ita hahu programa nee iha tinan kotuk, ita apoiu grupu joven hamutuk 327  iha Timor laran tomak, apoiu ida nee ba grupu joven sira neebe mak dezenvolve hela sira nia atividade iha nivel suku, entaun SEJD nia parogrma nee atu estimula joven nia kreatividade para hasae tan sira nia atividade nee,  depois mak bele asesu ba oportunidade seluk,” tenik nia.

(mar)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...