Hakarak Tuir Jesus Tenke Tula Kruz Iha Kabaas

BAUCAU, STLNEWS.co – Bispu Dioseze Baucau Dom Basilio do Nacimento dehan, se sarani hakarak tuir Jesus idak – idak tenke hiit nia Kruz, tanba fiar nia huun husi Jesus Kristu nia Kruz.

“Leitura iha Domingu nian nee hau hanoin kleur halo ba ita nia an loron – loron, nee duni diferensa entre ita katolikus ho relijiaun sira seluk ou sarani sira neebe Jesus Kristu nia eskolante, ho relijiaun sira seluk mak nee, ita atu tuir relijiaun ita bele temi Maromak nia naran bele too ona segundu ita temi Maromak nia naran, maibe halo buat neebe Maromak nia ukun fuan haruka ita nian iha Bíblia, ita nia maluk musulmanu sira iha Alquran, sira seluk neebe laos relijiaun Jesus Kristu nian nee sira mos iha sira nia dalan,” Dehan Dom Basilio do Nacimento ba STL iha Igreja Katedral, Baucau Vila Antiga, Segunda nee (13/09/2021).

Bibi Atan Kreda Katolika hatete, agora diferensa entre ema nee laos deit kontente atu temi Maromak nia naran, laos deit atu halo buat neebe Maromak haruka, maibe ema nia nee dehan atu sai hanesan Jesus Kristu atu sai hanesan Nia.

Dom Basilio hatutan, Jesus dehan se mak hakarak tuir lori nia Kruz ida nee, laos fasil ou kmaan, maibe buka atu halo orasaun no halo tuir Jesus nia hakarak no hadomi ema seluk hanesan ita nia an rasik.

“Agora ita hatene katak, tula kruz ba ita nia kabas leten nee, ita tuir Jesus Kristu nee laos buat kmaan, maibe nee mak buat lubuk ida mos iha ita nia vida, tanba sa mak relijiaun hotu – hotu reza hamulak, ita nia katuas sira mos oho manu hamulak halo buat neebe ukun fuan haruka, ita nia katuas sira halo tuir buat sira neebe kultura haruka, tradisaun haruka, agora sai hanesan Maromak liu husi eukaristia nomos liu husi kruz,” katak nia.

Liu husi omilia iha Domingu Bispu afirma, bainhira simu batizmu kontente tanba temi Maromak nia naran, no seluk nee temi Maromak nia naran maibe halo tuir buat neebe mak Maromak hakarak buat rua nee simples.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: