Harii Fabrika Iha Caisido, Oferese Uluk Bee Moos

BAUCAU, STLNEWS.co – Xefe Suku Tirilolo Ricardo Ernesto Belo hatete, atu kontribui programa husi governu harii fabrika iha Aldeia Caisido tenke oferese uluk bee moos ba komunidade.

Kestaun nee Ricardo haktuir ba STL iha nia rezidensia Caisido, Domingo nee (05/09/2021).

Nia hatete, programa governu neebe peskiza husi tinan 2012 to’o agora atu harii fabrika semente iha Aldeia Caisido komunidade hotu – hotu prontu atu kontribui, maibe parte relevante sira tenke tau matan uluk lai ba problema neebe mak komunidade sira enfrenta liu – liu ba iha bee moos.

“Se kontribui mak nee, komunidade halerik ba bee moos entaun oinsa husi parte relevante sira oferese bee moos ba komunidade,” dehan Ricardo.

Nia hatutan, nuudar ukun komunidade iha baze hahu ona planu karik projetu boot nee implementa duni, sei hato’o planu husi komunidade Aldeia Caisido nian atu nunee parte relevante sira tau hanoin hodi fura bee moos ba komunidade sira.

Xefe Suku nee konta, konaba bee moos sai preokupasaun boot ba komunidade aldeia haat (4) hanesan Aldeia Caisido, Parlamentu, Lialesu, no Ossoua liu-liu komunidade sira Aldeia Caisido sempre istori malu tan bee moos, tanba bee moos neebe mak komunidade sira asesu konsumu samana ida hetan dala ida.

“Susar ruma iha nee ami sosa, nunee mos sira kuru balun hetan balun la hetan, nee sempre istori malu iha bee kuru fatin,” Nia dehan.

Nia hatutan, bee moos nee distansia dook no bee mai mos la forsa, tanba bee matan ida fahe ba Falintil-Forsa Defeza Timor Leste (F-FDTL) sira iha Primeiru Batallaun Lanud, Suku Triloka, no Bucoli mos uza.

Iha fatin seluk, responsavel sub-kaixa Rai Maran Agostinho Manuel da Costa Belo kodigu “fahi boot” hatete, governu nia planu atu loke fabrika iha Aldeia Caisido prontu atu kolabora, maibe kria uluk kondisaun ba komunidade sira neebe mak dadaun enfrenta hela problema bee moos no estrada.

“Parte nee ita haree ba estrada no bee moos, dehan atu loke ita nia fabrika buat sira nee tenke preparadu mak foin povu hakmatek,” tenik Agostinho.

Nia hatutan, difikuldade boot neebe mak agora komunidade sira hasoru mak bee moos, tanba dala ruma labarik sira ba eskola la bele hariis, tanba bee laiha, parte ida nee mos fo impaktu ba saude.

Nunee nia husu ba governante sira tau matan ba no buka bee matan hodi liga bee moos ba komunidade sira aldeia haat nee, koalia konaba atu harii fabrika semente iha Caisido buat barak mak sei falta, tanba nee presiza kria uluk kondisaun estrada no bee moos molok loke fabrika.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: