Hasae Kapasidade Labele Haree Ba Osan

DILI, STLNEWS.co – Feto nia partisipasaun ba iha prosesu dezenvolvimentu importante tebes, tanba nee tenke kapasita an, liu husi inklina an iha atividade sira, labele haree uluk osan, maibe oinsa aprende husi ema seluk hodi hasae konesimentu hodi implementa fali iha futuru.

Kestaun nee hato’o husi delegada Waimanuboe, Julia Freitas Sarmaneto ba STL liu husi telefone, Kuarta nee (01/09/2021).

Nia hatete, maske lei garante katak feto mos iha direitu atu kompete ho mane sira iha kualker atividade, tanba nee antes asume knaar ruma tenke kapasita an uluk liu husi buat kiik sira, labele haree liu ba osan, maibe foti ema nia esperiensia no matenek nee importante oinsa sai bukae hodi implementa iha futuru.

“Buat neebe mak importante ba ita mak oinsa kapasita an nee importante los, labele haree osan iha mak foin partisipa, osan kiik la partisipa nee ladun diak,” dehan nia.

Nia konta hikas nia esperiensia katak, ho kargu neebe mak nia iha maske kiik laiha osan, maibe nia nafatin ho kontente hodi halao knaar iha Aldeia Waimanuboe, Suku Wailili, Postu Administrativu Baucau Vila, Munisipiu Baucau.

“Sente orgullu tebes, maske kargu neebe hau xefia kiik, maibe liu husi votasaun katak, komunidade Aldeia Waimanuboe, Suku Wailili mos fo fiar mai hau sai sira nia delegada. Ba ami insentivu minimu liu US$ 30 kada fulan no la sufisiente ba ami nia moris loron – loron, maibe hau nafatin kontente halao atividade ida nee,” dehan nia.

Nia hatutan, aktividade loron – loron neebe mak sira halo depende ba atividade neebe iha aldeia no suku nee. Desazafiu mak insentivu ba sira.

Nunee mos feto potensial Bendita da Costa hatutan, iha Konstituisaun Republika Demokratika Timor Leste (K-RDTL) iha artigu 16, no 17, hatete klaru konaba igualidade jeneru katak, feto ho mane hanesan no feto mos partisipa iha kualker atividade, maibe atu partisipa nee fila ba feto idak – idak nia vontade rasik.

“Se feto neebe mak iha duni vontade atu partisipa iha kualker atividade hodi hasae kapasidade nee diak liu tan, maibe lei garante tiha direitu, maibe lakoi ou laiha vontade atu hatudu an iha publiku ida nee mos ladun diak, tanba nee mak fila ba konsiensia ema idak – idak nian, tantu feto ka mane,” dehan nia.

Nia enkoraza nafatin feto sira hotu katak, labele husik leet oportunidade, karik hetan oportunidade diak liu aproveita kedas hodi hasae konesimentu.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: