DILI, STLNEWS.co – Prezidente Republika (PR), José Ramos-Horta, konsidera diálogu ho tema “Kultura Ba Dame” hanesan biban ida atu komunidade aprezenta sira nia preokupasaun ba governu no mos hametin kultura dame iha sosiedade, relasiona ho eleisaun parlamentar iha tinan 2023.
“Halo dialogu hodi rona imi nia preokupasaun ruma, mai ho membru guvernu, hau hahu hatete, ita besik ona eleisaun parlamentar foun atu mai, ita hotu bele kolabora atu labele iha instabilidade, atu labele fo inpaktu ba ekonomia no povu nia moris, nunee iha inísiu hanesan prezidente, hau buka kedas diálogu nasional ho lider sira, Prezidente Parlamentu, Primeiru Ministru, liu-liu ba asuntu neebe hau preokupa, tanba sai prezidente diak, presiza hetan informasaun husi guvernu no buka dialogu ho guvernu,’’ hatete Prezidente Republika liu husi komunikadu neebe STL asesu husi media Palasiu Prezidensial, Nicolau Lobato, Bairu Pite, Dili, Sesta nee (05/08/2022).
Prezidensia Republika sei realiza programa Tour de Timor, Dili Marathona, Festival Kultura Ramelau no seluk tan, hodi kontribui ba promosaun dame pas no estabilidade, ajuda governu hodi halao prosesu dezenvolvimentu.
Kontinua ba pajina 2
