DILI, STLNEWS.co – Ho inspetor eskolar neebe limitadu labele kobre hotu eskola sira iha Munisipiu Baukau nian laran.
Kestaun nee haktuir husi Diretor Servisu Edukasaun Munisipal Baukau, Augosto Ornai Ximenes ba STL liu husi telefone, Segunda nee (25/07/2022).
“Ensinu baziku too sekundariu nee inspetor nain neen (6), maibe postu ida ema nain ida, numeru ida nee la sufisiente, tanba postu balu nee eskola dok malu no ita labele kobre hotu eskola sira nee, buat neebe inspetor sira halo, sira iha mata dalan, servisu neebe inspetor sira halo nee, hau senti inspetor eskolar nain 6 nee seidauk sufisiente ba eskola sira iha Munisipiu Baukau nian laran,” dehan Augosto.
Nia dehan, total eskola sira iha Munisipiu Baukau hamutuk 243, nee inspetor eskolar sira labele kobre hotu, tanba balun kobre too 40, husi numeru neebe iha, kompostu husi ensinu pre eskolar too nivel sekundariu no tekvo.
Nunee mos Diretor Servisu Edukasaun Munisipal Vikeke, Emidio Amaral, Inspektor eskolar iha Vikeke hamutuk ho superintendente nain 7, mane nain 5 no feto nain 2, sira toma konta postu 5.
(jac/mar)
