Jogu Finais Torneu Referendum Cup 2020 Lete-Foho; FC Maugenulau Hetan Terseiru Lugar

Jogu finais neebe halao iha loron Sesta (28/08/2020), ekipa FC Maugenulau konsege halakon ekipa FC Cristo Liurai ho skor 3-1 hodi hetan terseiru lugar. (Photo: STL News/Terezinha de Deus)

ERMERA, STLNEWS.co – Jogu finais neebe halao iha loron Sesta (28/08/2020), ekipa FC Maugenulau konsege halakon ekipa FC Cristo Liurai ho skor 3-1 hodi hetan terseiru lugar.

Iha primeira parte, ekipa rua hahu jogu ho kapas no iha mos ambisaun atu hatama golu, maibe iha deit minutu 10 ho esforsu jogador FC Maugenulau nian konsege fura rede FC Cristo Liurai husi jogador numeru 8.

Ho golu nee halo jogu manas liu tan, no ho esforsu makas ekipa FC Maugenulau nian konsege fura rede FC Cristo Liurai ba dala rua iha minutu 20 husi jogador numeru 7.

Ekipa FC Cristo Liurai mos esforsu hodi responde kedas golu ida iha minutu 30, husi jogador numeru 13 hodi muda skor ba 2-1 to primeira parte termina.

Kontinua ba segunda parte ekipa rua nafatin hatudu jogu furak no fo ataka ba malu, maibe la konsege fura rede ho rezultadu 2-1 halo ekipa FC Cristo Liurai iha ambisaun boot hodi halo empata, maibe labele.

Maibe iha minutu 70, FC Maugenulau aumenta golu husi jogador numero 13, hodi konsege muda skor ba 3-1. Ho rezultadu nee ekipa rua nafatin esforsu hodi hatama tan golu maibe labele tamba ekipa rua la fo oportunidade ba malu to jogu segunda parte termina ho rezultadu Final 3-1.

Ho rezultadu nee, lori ekipa FC Maugenulau tur iha terseiru lugar Torneu Referendum Cup 2020 Ermera Lete-Foho.

Reportajen: Terezinha de Deus

Editor: Ekipa STL

LEAVE A REPLY

Please enter your comment!
Please enter your name here