Jovem Nain 20 Transforma Bee Dalan Sai Turizmu

BAUCAU, STLNEWS.co – Joven nain rua nulu (20) husi Aldeia Uatubala, Suku Ualili, Postu Administrativu Baucau Vila, Munisipiu Baucau, transforma fatin bee dalan sai fatin turizmu ho naran Newlale.

Lia hirak nee hatoo husi reprezentante Joven Inovativa Fatin Turizmu Newlale, Alcino Freitas Coreia ba STL iha nia fatin Newlale, Sabadu (05/06/2021).

Nia hateten, durante nee fatin bee dalan nee abandona deit, nunee nuudar joven tau hanoin hamutuk hodi transforma fatin nee sai fatin turizmu nunee bele hetan osan husi fatin nee.

Razaun halo fatin turizmu iha area refere, tanba iha area Newlale maioria joven barak mak halimar deit iha uma no buka problema deit no joven balun remata ona eskola sekundaria maibe laiha osan atu kontinua estudu iha universitariu, nunee mos liga ho situasaun agora serka sanitaria, ho razaun nee foti dezisaun harii fatin turizmu rasik oinsa mak bele buka osan iha situasaun agora.

“Buat neebe ami nain rua nulu halo nee tuir ami nia hakarak deit, laiha dezenu ida para ami atu halo tuir maibe nee husi ami nia tuur hamutuk tau hanoin hamutuk oinsa mak ema bele mai vizita, maibe ida nee ami halo seidauk hotu sei iha buat barak mak ami atu halo aumenta tan nunee sai diak liu tan,” dehan Alcino.

Alcino hatutan, iha ona planu atu loke dalan ba fatin turizmu Newlale no sei esforsu an atu sosa material eletrisidade atu halo komptela liu tan fatin nee, nunee vizitante la bele preokupa ho situasaun balun.

Iha fatin hanesan vizitante Aguida da Conceição hateten, nia sente kontente tanba fatin neebe mak joven sira iha inisiativa halo sai fatin turizmu kapas tebes no sai mos fatin turizmu ida ba munisipiu Baucau nian.

“Nia furak nee iha bee neebe mak sulin, fatin mos kapas, eskada no dalan ou ponte neebe mak sira halo nee mos kapas, depois hadak sira neebe halo tan iha bee laran nee mos kapas tebes, hau agredese tebes tebes ba sira tanba sira nia esforsu ohin loron halo Baucau sai furak liu tan iha futuru mai,” katak vizitante nee.*

Reportagen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: