Juventude RAEOA Husu Eis Primeira Dama Kandidata An Ba PR

DILI, STLNEWS.co – Grupu Juventude Rejiaun Administrarivu Espesial Oecusse Ambeno (GJ-RAEOA) husu eis Primeira Dama, Isabel da Costa Ferreira, atu kandidata an ba Prezidente Republika (PR), iha eleisaun Prezidensial tinan 2022.

Kestaun nee hato’o husi porta voz GJ-RAEOA, Paulo Colo ba jornalista sira, iha Restaurante de Doce Tentasaun, Segunda nee (23/08/2021).

“Hanesan ita hotu hatene katak la kleur tan ita sei hakat ba festa demokrasia neebe ita sei festeja iha tinan 2022, konaba eleisaun ba Prezidente Republika ba periodu tinan 2022 – 2027. Mak ami husi Grupu Juventude Rejiaun Administrativa Espesiáll Oecusse Ambeno (RAEOA) ho hakarak tomak, husu no apoia Isabel da Costa Ferreira, atu kandidata an ba Prezidente Repúblika,” dehan Paulo.

Nia hatutan, iha okaziaun ida nee sira mos afirma ho prontu hodi manifesta sira ninia apoiu tomak ba kandidatura, Isabel da Costa Ferreira, ba iha eleisaun Prezidente Repúblika ba períodu 2022 – 2027. Ho razaun hirak nee mak sai pontu kulminante, hodi eleva atu husu no apoia ba Isabel da Costa Ferreira, ninia kandidatura mak hanesan futuru rai ida ne’e nian, juventude RAEOA konsiente katak, costume att liu iha Timor mak kultura vingativa hodi hamosu problema iha setor sosial oin – oin. Ho razaun ida ne’e mak Grupu Juventude RAEOA hanoin katak, ema ne’ebé atu sai Prezidente Repúblika, tenke mai ho kandidatura independente no tenke Feto.

Nia hatutan, hanesan kandidatura independente, Isabel da Costa Ferreira hanesan feto neebe iha kapasidade, atu asegura Unidade Nasional no Konstituisaun RDTL, hodi lori hikas Timoroan hotu ba prosperidade.

“Tanba nia iha experiénsia pasadu hanesan ema ativista ida ne’ebé dezde uluk sempre luta maka’as ba Direitus Humanus, hanesan kandidatura feto ida neebé iha kapasidade di’ak, atu responsabiliza funsaun hotu ne’ebé nia kandidatu an ba, hanesan Prezidente Republika,” katak nia.

Nia akresenta,  juventude mos hanoin katak, Isabel mai ho personalidade no karakter neebe nakonu ho valor sira hanesan, solidariedade, karidade, onestidade, tolerante, moris ho domin, paz no seluk tan.

Valor hirak nee refleta tebes no kondiz tebes ho Timoroan sira nia mehi hodi tau iha pratika, ida nee mak Timoroan sira hein hela, laos ho promesa falsu, iha momentu krusial ida nee sira hanoin katak pertinente tebes atu tau iha istória Timor Leste bá kandidatura Prezidente Republika RDTL nebe mai ho jéneru feto.

Feto ida ke mai ho kapasidade plena, abilidade diak, kompetensia no integridade neebé klean. Iha sorin seluk ita nia nasaun presiza kandidatura ida ke iha sentimentu hanesan inan ida (olhar da mãe). Tanba povu no rai doben ida nee laos presiza deit ema ukun ho kapasidade, maibe mos fuan ka sentimentu, hateke ba pasadu numeru kandidatura ba Prezidente Repúblika mane mak barak liu, tempu too ona atu promove igualdade jeneru iha Timor Leste.*

Reportajen: Natalia Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: