Kareta Kondisaun La Favoravel, Presiza Halo Manutensaun

BAUCAU, STLNEWS.co – Kareta auto tangki neebe iha bombeirus Baucau, dadaun nee kondisaun la favoravel, presiza halo manutensaun urjente.

Lia hirak nee hatoo husi Komandante Bombeirus Baucau, Jose Cabral ba jornalista iha nia knar fatin Tirilolo, Kuarta (30/06/2021).

Nia hateten, durante kareta auto tangki neebe servisu bombeirus uza iha terenu hodi halo atuasaun insendiu sira iha munisipiu ;aucau daudaun nee kondisaun la favoravel ona, presiza halo manutensaun.

“Agora daudaun kareta nia kondisaun la dun diak ona, roda sira nee komesa kuak beibeik, tanba roda miis hotu ona, manutensaun mos seidauk lao, neebe kareta nia kondisaun agora grave hela presiza halo manutensaun tomak,” dehan Komandante Bombeirus Baucau nee.

Nia hatutan, insendiu neebe mak akontese iha fatin dook, la bele atende sedu, tanba kondisaun kareta auto tangki neebe mak iha daudaun nee kondisaun la favoravel ona, maibe oras nee kontinua servisu, tanba servisu bombeirus Baucau iha kareta auto tangki ida deit.

Iha fatin seluk motorista bombeirus, Salustiano Bernaldo Pereira hateten, presiza duni halo manutensaun rutina, tanba kareta auto tangki ida deit kuaze halo atendementu ba insendiu sira iha Baucau laran.

“Presiza duni halo manutensaun rutina, tanba iha nee kareta auto tangki ida deit mak nia halo sirkulasaun iha Baucau laran tomak, neebe agora presiza duni halo manutensaun”.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: