Kios Nain Baku Ema Moras Mental To’o Tama Ospital

BAUCAU, STLNEWS.co – Iha loron 11 fulan Outubru tinan 2021 akontese iha Aldeia Buscaulari, Suku Nunira, Postu Administrativu Laga, Munisipiu Baucau, vitima inisial DJ hanesan ema neebe moras mental durante tinan 6 ona, ohin estraga sasan iha kios laran, ho nunee kios nain baku vitima inisial DJ tama to’o ospital.

Kestaun nee hato’o husi familia Vitima Francisca Aparisio de Jesus Gama ba STL iha HoREX Baucau, Segunda nee (11/10/2021).

Nia hatete, DJ hanesan ema neebe moras mental hahu iha tinan 2015, neebe ohin loron 11 Outubru 2021 maizoumenus tuku 1:00 OTL estraga ema nia sasan iha kios laran, iha Aldeia Buscaulari, Suku Nunira, Postu Administrativu Laga, Munisipiu Baucau.

Nia estraga sasan kios nian neebe mak barak, hodi halo kios nain hirus baku DJ, hetan kanek iha parte ulun, rentos no iha nia ain, to’o tama ospital HoREX Baucau.

“Nia nee moras mental, laos nia ema diak mak nia halo hanesan nee, nia moras mental laos familia mak haruka lae,” dehan Francisca.

Francisca haktuir kronolojia lolos, nia parte labele hatene, tanba bainhira nia to’o iha fatin akontesimentu, DJ hamriik iha fatin la metin ona, tanba ain tohar, kanek iha ulun to’o raan sai, nomos kanek iha rentos, nunee nia parte foti faru taka netik deit DJ nia kanek neebe iha ulun.

Reportajen: MJ-1

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...