Kombatentes Nasional Hamutuk Ho Konsellu Veteranus Munisipiu Halo Sosializasaun

BAUCAU, STLNEWS.co – Sekretariu Estadu Para Asuntus Kombatentes Libertasaun Nasional, hamutuk ho Konsellu Veteranus Munisipiu Baucau halo sosializasaun asuntu ida topiku tolu.

“Objetivu ba sosializasaun nee iha asuntu ida deit, maibe nia topiku mak tolu,” dehan Sekretariu Estadu Para Asuntus Konbatentes Libertasaun Nasional, Gil da Costa Monteiro, kodigu “Oan Soru” ba jornalista iha Salaun Sentru Konvensaun Baucau (CCB – sigla portugues) Vila Antiga, Sesta nee (20/08/2021).

Nia hatete, koalia konaba levantamentu dadus tuir uma lisan ba ema neebe mak mate hahu husi tinan 1975 – 1999, tanba too agora koalia konaba restus mortais la konsege, tanba mate ruin deit mos too agora la hetan, nunee liu husi levantamentu dadus propriu atu nunee bele sura ema sira neebe mak mate husi tinan 1975 – 1999 bele hatene lolos.

Nia hatutan, iha mos topiku segundu koalia konaba dekretu lei nu. 30 ba jardin dos herois ka semiteriu espesial, tanba iha dekretu lei nu. 30 seidauk fo esplikasaun ba veteranus sira, nunee liu husi sosializasaun nee atu veteranus sira fo hanoin ba malu karik iha aseitasaun aban bainrua mate hakoi duni iha fatin neebe mak nia moris, nunee istoria Baucau nian labele iha hotu deit Metinaru, maibe diak liu iha mos nia munisipiu, tanba aban bainrua mak veteranus sira mate ba hakohi hotu iha jardin dos herois Metinaru bele istoria Timor Leste nian sai kiik oan.

Nunee liu husi sosializasaun nee atu istoria Timor nian nafatin nakloke ba fatin hotu – hotu, tanba Timoroan hotu nia partisipasaun mak foin ukun aan nee iha.

Oan soru hatutan, iha mos topiku ikus neebe mak koalia konaba fundu investimentu veteranus neebe mak koa sira nia osan US$ 30 hahu husi fulan Janeiru tinan 2020 too ohin loron atu hatene mos montante osan hamutuk hira ona, ba futuru osan nee atu halo saida no osan nee fo benefisiu ba se.

Liu husi sosializasaun nee mos hanesan sai evidensia sira nia jerasaun tuir mai, atu aban bainrua sira destinu to’o, sira nia jerasaun bele kaer evidensia sira nee atu buka tuir osan sira neebe mak durante nee koa para iha neebe no halo buat ruma karik sira nia jerasaun nee iha benefisiu ka lae.

Iha fatin hanesan, Sekretariu Konsellu Veteranus Munisipiu Baucau, Manuel da Costa Soares, hatete sosializasaun hanesan atividade neebe importante tebes ba veteranus no jerasaun veteranus sira, tanba liu husi esplikasaun pontu tolu neebe mak Sekretariu Estadu Para Asuntus Kombatentes Libertasaun Nasional hateten ona.

“Ba aban bainrua nian, ami hakarak sira lori sira nia oan mai akompaha atu rona loloos lalaok fundus veteranus nian,” dehan Manuel.

Nia hatutan, koalia mos konaba levantamentu dadus uma lisan nian, maibe iha Munisipiu Baucau dadaun nee ekipa lao hela iha suku sira, nunee koalia mos dekretu lei nu. 30/2016 koalia konaba semiteriu espesial ou jardin dos herois iha munisipiu.

Manuel afirma, iha Munisipiu Baucau importante tebes, tanba veteranus neebe mate barak mak iha ponta leste, nunee importante tebes harii jardin dos herois iha Baucau, nunee bele akumula herois sira iha fatin refere.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: