Komisaun F Lansa Diskusaun Projetu Lei Ba Labarik Iha Baucau

BAUCAU, STLNEWS.co – Komisaun F lansa diskusaun audensia ho entidade hotu iha Munisipiu Baucau hodi koalia konaba projetu lei ba labarik no joven sira neebe iha situasaun risku nia laran.

“Objetivu ohin audensia ida nee atu rona entidade hotu hotu nia hanoin ruma relasiona ho lei protesaun ba labarik sira no joven neebe iha situasaun risku nia laran,” dehan Prezidente komisaun F, Noe da Silva Ximenes ba jornalista, iha Pouzada Vila Antiga, Baucau, Kuarta (21/07/2021).

Nia dehan, dadaun nee lei nee tama ona iha prosesu de inisial, tanba tuir lei prosesu inisial ba lei ida atu lao automatikamente tenke konvoka entidades balun hodi rona sira nia hanoin.

“Finalmente iha loron rua nulu resin hitu (27) agora komisaun F sei envia paraser komisaun nian ba iha meza Parlamentu Nasional, maibe depende ba agenda neebe mak PN nee kabe ba kompetensia president parlamentu nasional PPN mak sei deside bainhira mak loke diskusaun iha jeneralidade,” hatete Prezidente Komisaun F nee.

Nia hateten, dadaun nee artigu hamutuk 104, maibe posibilidade atu aumenta tan artigu ida ka rua, tanba tenke difini klarumente konaba labarik joven no labarik idade otas ba 17 leten nee konsidera oinsa nunee mos liu liu difini familia nee oinsa.

“Familia iha artigu hirak mensiona nee enjeral liu, entaun ita tenke defini klarumente, familia ida nee oinsa,hanesan iha lei nee hateten feto ida mane ida mak hola malu ho oinsa,” katak nia.

Nia hatutan, atu rezolve risku sira neebe mak iha komunidade liu liu joven ho labarik sira neebe mak iha, tenke konsensializa sidadaun nee rasik, bele lei atu diak oinsa enkuantu divulgasaun informasaun neebe mak la too iha baze nee mos hanesan deit, nunee presiza divulga nafatin informasaun, nunee inan aman sira hatene nia dever no oan sira mos bele hatene nia dever.

Reportajen: MJ-1
Editor: Crisogono Magalhães

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: