Komunidade Bahu 35% Seidauk Asesu Bee Moos

BAUCAU, STLNEWS.co – Komunidade iha Suku Bahu, Postu Administrativu Baucau Vila, Munisipiu Baucau 100% asesu ona eletrisidade, maibe husi 100% nee  35% seidauk asesu bee moos.

Kestaun nee hato’o husi Xefe Suku Bahu, Manuel Francisco Rodrigues Gusmão ba STL iha nia rezidensia Lanudu, Domingu nee (26/09/2021).

“Komunidade iha nee 35% mak seidauk asesu bee moos iha Aldeia Ana-ulo, Roulo, iha Buile oituan, iha aldeia tolu nee mak seidauk asesu ba bee moos,” dehan nia.

Nia hatutan, bee moos hanesan nesesidade baziku neebe importante tebes ba ema umanu nia moris, nunee hanesan lider komunitariu nafatin hato’o preokupasaun povu nia ba parte governu, maibe liu husi karta proposta neebe mak iha tinan 2017, retala ba parte relevante to’o ohin loron seidauk iha rezultadu fiksu ruma.

Ba proposta neebe mak seidauk iha rezultadu to’o ohin loron, Xefe Suku nee mos hanoin, dala ruma mos impaktu husi Covid-19 neebe mak dadaun nee afeta iha mundo inklui Timor-Leste, nunee preokupasaun povu nian neebe mak hato’o liu husi proposta seidauk bele realiza.

Xefe Suku nee hatete tan, komunidade iha Suku Bahu 100% asesu hotu ona eletrisidade, maibe husi 100% nee 35% mak seidauk asesu bee moos.

Suku Bahu iha aldeia lima ho nia populasaun hamutuk 12.272, uma kain hamutuk 2089.*

Reportajen: Tomas Reis

Editor: Ekila STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...