DILI, STLNEWS.co – Komunidade Aldeia Tumin, Suku Bobometo, Munisipiu Oecusse, iha oras tuku 7:00 hahu forma hodi ezerse sira nia direitu ba vota, hodi hili Prezidente Republika foun ba periodu tinan 2022 – 2027.
Tuir observasaun jornalista STL iha terenu haree katak, komunidade sira kompostu husi ferik, katuas, klosan, inklui ho joven sira neebe mak idade foin too hahu forma ona iha sentru votasaun.
Entretantu, komunidade sira antes forma atu ezerse sira nia direitu, ofisial eleitoral sira avizu hodi labele lori telefone no labele hatais faru rua.
Aleinde nee mos ofisial eleitoral sira fo prioridade ba ferik, katuas, inan isin rua no inan sira neebe mak kous hela labarik.
Iha sentru votasaun refere fiskais sira avizu ba komunidade sira neebe mak antes tuir ona votasaun iha paralelu, labele tuir votasaun iha suku refere.
(bla)
