OECUSSE, STLNEWS.co – Komunidade Aldeia Tumin, Suku Bobometo, Munisipiu Oecusse, husu ba Prezidente Republika (PR) foun periodu tinan 2022 – 2027, atu tau matan ba infraestrutura.
“Ami nia esperansa ba prezidente foun, en jeralmente iha Postu Oesilo liu-liu Aldeia Tumin, Nonkikan no Quibiselo preokupa liu estrada, bee moos, edukasaun, saude no espesial liu tan mota noel ekat, tanba iha tempu udan mota tuun difikulta ba komunidade sira atu lori produtu lokal ba merkadu,” hatete Profesor EBC 9 Setembru Bobo’ufe, Baptista Lelan Elo ba STL, iha Aldeia Tumin, Suku Bobometo, Postu Administrativu Oesilo, Munisipiu Oecusse, Tersa nee (19/04/2022).
Nia mos hatoo mensajen ba PR foun atu tau matan ba infraestrutura, hanesan estrada, edukasaun, saude no agrikultor, espesial liu ba estrada atu dezenvolve komunidade sira lori produtu lokal ba merkadu.
(bla)