Komunidade Camnasa Sai Penonton Perfurasaun Mina Matan Liu Rai Ho Fetok Maus

COVALIMA, STLNEWS.co – Komunidade Suku Camnasa lamenta ho perfurasaun mina matan Liu Rai ho Fetok Maus, neebe halao husi kompana Timor Resourse, tanba sira la involve direita iha projetu nee.

Tuir Sefe Suku Camnasa Samuel Barros katak, komunidade Camansa afeita dereita ba projetu perfurasaun mina husi Kompanna Timor Resourse, maibe komunidade sira la involve iha projetu nee.

“Ami involve iha perfurasaun mina nee, maibe sira neebe iha konesimentu tekniku deit, maibe ami nia jovens sira labele partisipa dereita, tanba iha suku nee rekurusu umanu menus, maibe haree ba iha area sira hanesan buru kasar nee ami la konkorda, bainhira ema husi munispiu seluk mak mai servisu fali iha nee,” dehan Sefe Suku Camnasa, Samuel Barros iha Aeroporto Internasional Kay Rala Xanana Gusmão, Aldeia Holbelis, Suku Labarai, Postu Suai, Kuarta nee (27/10/2021).

Tuir nia, perfurasaun nee lolos komunidade Suku Camnasa mak sai autor ba perfurasaun mina nee.

“Tanba ami komunidade sira iha nee atu dehan deit katak, mina matan iha ami nia suku laran ami mos hakarak ami nia jovens sira iha nee sai hanesan autor ba projetu nee, nunee karik servisu sira kiik hanesan buru kasar nee tenke hatama ami nia ema ba,” dehan nia.

Maske nunee nia dehan, perfurasaun mina iha Suai nee laos deit benefísiu ba Suai oan deit, maibe ba Timoroan hotu.

Aleinde nee, perfurasaun ba mina matan rua hanesan Liu Rai ho Fetok Maus husi kompana Timor Resourse nee rasik sei hahu iha loron 27/10/2021, no sei lansa husi  Primeiru Ministru Taur Matan Ruak.

Iha Suku Camnasa iha aldeia hamutuk 4 hanesan Sanfuk, Fatuisi, Ailoklaran, Manekin ho populasaun hamutuk rihun 5 resin.*

(Alb)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...