Komunidade Loke Dalan Sae Foho Lolon

BAUCAU, STLNEWS.co – Aldeia Uadaboru, Suku Gurusa, Postu Administrativu Quelicai, Munisipiu Baucau inisiu husi ukun aan too ohin loron komunidade Uadaboru hein dezenvolvimentu la mosu, ho inisiativa rasik loke dalan sae foho lolon, tanba Uadaboru fatin istoriku nomos turistiku.

Informasaun nee hatoo husi Xefe Aldeia Uadaboru, Jose Fonseca ba STL liu husi telefone, Domingo (23/05/2021).

Jose hateten, wainhira baze apoiu rahun ema hotu sulan iha Uadaboru, maibe Timor ukun aan besik ona tinan 20 maibe komunidade Uadaboru sai penonton ba dezenvolvimentu, tan nee komunidade ho inisiativa rasik loke dalan.

Nia afirma, iha loron 8 fulan Maiu tinan 2021 nee, ekipa husi Ministeriu Obras Publika (MOP) too ona fatin hodi halo survei, maibe antes iha tinan 2018 hatama ona pedidu ba parte MOP tan laiha resposta, ho nunee komunidade hola inisiativa tomak loke dalan ba Uadaboru.

“Besik tiha ona tinan rua nulu maibe komunidade aldeia Uadaboru hanesan penonton fali ba dezenvolvimentu, tanba ida nee mak ami hola inisiativa rasik loke dalan, tamba fatin turismu nunee mos Uadaboru hanesan fatin istoriku no foin dadauk nee mak parte MOP mai survei tiha ona, maibe ami nia pedidu husi Uadaboru hatama iha 2018 mais ate a data laiha rezultadu,” dehan nia.

Jose hatutan, dalan foun neebe mak komunidade loke ba aldeia Uadaboru agora dadaun motor bele ona asesu maibe kareta seidauk bele.

Nia hatutan, Uadaboru fatin neebe mak riku ho produto lokal maibe susar tebes atu lori sai husi Uadaboru ba merkadu ho nunee komunidade inisiativa loke dalan mesak.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: