ERMERA, STLNEWS.co – Komunidade iha Suku Tiarlelo, Aldeia Tiarlelo Ilat, Postu Administrativu Atsabe, Munisipiu Ermera, nafatin tutur masa hodi buka bee moos ba nesesidade loron-loron.
“Tinan barak ona, ami iha Aldeia Tiarlelo Ilat nafatin tutur masa hodi ba kuru bee ho distansia neebe dook, hodi lori mai uza ba tein no fase bikan nomos uza ba nesesidade sira seluk, maski halo ona tanke bee hodi distribui bee ba komunidade sira, mais ami nafatin tutur masa ba kuru bee iha bee matan, tanba mangera neebe dada bee ba komunidade hetan estragus hotu,” dehan Komunidade Juliana Maia ba STL, Domingu nee (05/112023).
Nia haktuir, distansia bee matan neebe ba kuru dook laos deit ema boot sira mak ba kuru bee, maibe labarik kiik sira mos tenki tutur masa ba kuru bee, molok ba eskola i depois sai eskola, tanba nee mak realidade no tenki kuru duni hodi uza ba nesesidade loron-loron, nunee husu governu atu toma atensaun ba situasaun nee.
(dom)
