OECUSSE, STLNEWS.co – Komunidade Suku Usitasae, Postu Administrativu Oesilo, hamutuk ho autoridade lokal no lia nain iha suku refere, husu responsabilidade husi esteitmentu Adelino Cau neebe uza politika, hodi insulta komunidade no suku nia naran.
Tuir Lia Nain Liberato Punef katak, hanesan Atoni, Suku Usitasae, lamenta tebes ho atitude Adelino Cau ninian, neebe maka uza politika hodi insulta no desfama komunidade no Suku Usitasae ninia naran.
“Ami husu ba Adelino Cau atu responsabiliza ninia esteitmentu neebe maka publika iha ninia pajina facebook katak, komunidade Suku Usitasae sira hanesan manduku moris iha bee posu laran, sira presiza informasaun nível nasional atu bele sai husi bee posu laran mai liur, hodi haree Timor Leste nia luan ba informasaun atual iha rai laran, ida nee ami konsidera katak krimi eleitoral no tenta atu desfama suku ninia naran iha publiku,” dehan nia ba jornalista liu husi konferensia imprensa iha sede Suku Usitasae, Oecusse, Kinta horiseik (14/04/2022).
Kontinua ba pajina 2
