Kondisaun Estrada Carabau Ba Covalima no Maliana Grave

DILI, STLNEWS.co – Kondisaun estrada husi Suku Carabau atu ba Munisipiu Covalima no husi Carabau ba Maliana tina hirak nia laran grave ona, tanba impaktu husi udan, tan nee difikulta agrikultor sira atu asesu ba merkadu.

Tuir Xefe Suku Carabau, Manuel Noionha katak, kondisaun estrada husi Suku Carabu ba Covalima ladiak, no husi Carabau ba Maliana Kota mos hanesan, tanba impaktu husi udan neebe foin dadauk akontese, too fali agora udan la para, tan nee defikultuta agrikultor asesu ba merkadu.

“Lori povu nia naran, husu ba governu atu toma atensaun ba kondisaun estrada, atu nunee bele fasilita netik povu kiik sira bele lori produtu asesu ba merkadu,” dehan nia ba STL, Domingo (27/06/2021) liu husi telefone.

Nia afirma liu tan, povu iha Suku Carabau, bele lori sira nia produtu ba faan iha Suai no Maliana, maibe problema neebe povu hasoru maka estrada ladiak, tan nee trasporte publiku labele tula produtu sira nee ba faan iha merkadu refere.

Iha Suku Carabau potensial ba produtu oin oin, hanesan fehuk, aifarina, kami, modo, nomos produtu sira seluk, maibe agrikultor sira produs hela no la asesu ba merkadu.

Iha parte seluk, reprezentante povu iha uma fukun Parlamentu Nasional, Deputadu Domingos Lemos hatutan, agora tempu ona ba agrikultor sira atu kolleta produtu neebe sira produs, maibe kondisaun estrada la diak maka bele defikulta sira atu lori produtu sira nee asesu ba merkadu.

“Hau hanoin liu husi orsamentu neebe iha, husu governu atu toma atensaun ba povu nia halerik sira nee, liu liu estrada, ho nunee fasilita agrikultor sira bele lori netik produtu ba merkadu hodi hetan netik osan rahun ruma,” dehan nia.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: