Kondisaun Moris Labarik Iha Area Rurais Perigu

BAUCAU, STLNEWS.co – Membru Komisaun F Parlamentu Nasional, Veneranda Lemos hateten, kondisaun moris labarik sira iha Timor Leste liu liu iha area rurais, labarik sira moris iha perigu durante nee.

“Kondisaun moris larabik nian iha timor leste liu liu iha area rurais, ita bele dehan labarik sira moris iha perigu durante nee ita seidauk iha lei atu proteje ita nia oan sira, tanba nee mak iha lejislatura anterior PN diskute ona konaba lei ba protesaun labarik nian so ke ho tempo la konsege ba aprovasaun,” dehan Veneranda Lemos ba jornalista wainhira halao diskusaun konaba projetu lei ba labarik joven em perigu iha Pouzada Vila Antiga Baucau, Kuarta (21/07/2021).

Nia hatutan, lejislatura tuir mai iha komisaun F sei halo proposta atu kontinua halo diskusaun ba lei nee, tanba lei nee importante.

Veneranda hatete, maske retifika ona konvensaun direito labarik nian, maibe iha timor leste lao deit ho konstituisaun RDTL neebe mos la difini tinan lolos ba labarik sira, maibe hateten deit idade ba votasaun.

“Durante nee ita kaek deit kodigu sivil, kodigu penal, konvensoens neebe ita ratifika rezolusoens lubuk ida konaba direitu labarik nian ita kaek deit enkuadramentu sira nee, maibe ita ladauk iha lei espesefiku,” katak Veneranda.

Nia hatutan, Komisaun F halo diskusaun konaba projetu lei joven em perigu, ida audensia ho entidade husi administrasaun munisipiu husi edukasaun, saude no mos husi konvinsoens relisiozo sira.

Iha fatin hanesan, Diretor Departementu Edukasaun Fundasaun Sao Jose, Padre Avelino Lemos hateten, haksolok tebes, tanba komisaun F husi parlamentu nasional iha inisiativa hamosu ona lei protesaun ba labarik no joven sira.

Nia hatutan, rona tiha kamada sosial bele akomoda opiniaun lubuk ida neebe fo protesaun labarik sira iha timor laran tomak bele mos rezolve buat lubuk ida nee sai hanesan problema iha timor leste liu liu ba iha labarik sira protesaun nian.

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: