Konta Bankaria Error, SSSMB Sei Tenta INSS Ho BNCTL

BAUCAU, STLNEWS.co – Diretor Sentru Solidariedade Sosial Munisipiu Baucau (SSSMB), Guido Ricardo Belo hatete, benefisiariu idozu neebe hetan ona lista aprovasaun mak konta bankaria error, SSSMB sei tenta ho Institutu Nasional Seguransa Sosial (INSS) no Banku Nasional Komersiu Timor Leste (BNCTL – sigla Portugues) atu hadia.

“Sira lista aprovadu mak mais ou menus konta dala ruma nee error ita tenta hela ho INSS oinsa para kontas sira nee hadia iha neeba, ho BNCTL,” dehan Guido ba STL, iha nia knaar fatin Vila Nova, Tersa (27/07/2021).

Nia hatutan, ba benefisiariu neebe mak la hetan aprovasaun, presiza hadia dokumentus balun atu nunee bele kompleta rekezitu neebe iha prosesu registrasaun nian hanesan kartaun eleitoral, tanba dala ruma numeru kartaun eleitoral la hanesan no dala ruma benefisiariu troka suku.

Diretor nee hatete, buat hotu neebe mak lahan malu ho sistema baze de dadus, suspende no hirak neebe mak konta dehan error, parte Sentru Solidariedade Sosial no Inkluzaun Munisipiu Baucau sei tenta komunika ho parte STAE no INSS rasik atu aktualiza baze de dadus hadia iha sistema nasional.

Dadaun nee benefisiariu mos nafatin reklama ba Sentru Solidariedade Sosial no Inkluzaun Munisipiu Baucau, kada loron benefisiariu nain rua ou tolu nafatin marka presenza atu reklama fila fali, maibe nuudar Sentru Soliedariedade Sosial no Inkluzaun kontinua halo komunikasaun ho INSS liga ho dadus benefisiariu neebe mak lista aprovadu, maibe osan la tama konta bankaria error ou rezeita husi sistema.

Diretor nee husu ba benefisiariu neebe mak la hetan direitu, nafatin halo komunikasaun ho xefe do suku ho Sentru Solidariedade Sosial Inkluzaun Munisipiu Baucau, atu nunee bele ajuda justifika no mos bele halo atendementu liga ho Instituto Nasional Seguransa Sosial (INSS) sentral hodi nunee bele klarifika dadus sira nee nia estatus loloos.

Nunee bele hatene loloos, karik seidauk hetan aprovasaun no preokupasaun balun neebe mak seidauk tama iha lista adisional atu nunee bele haruka fila fali investe osan ba konta bankaria benefisiariu sira nian.

Iha fatin hanesan, benefisiariu Rozalina de Sousa sente triste, tanba rejistu tiha ona antes nee no hetan ona aprovasaun atu simu direitu nee rasik, maibe too tempo atu ba simu nia direitu iha BNCTL Munisipiu Baucau mak dehan sistema la simu. *

Reportajen: MJ-1
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...