Kontrola Makaas, Novembru La Rejistu Kazu Covid-19

BAUCAU, STLNEWS.co – Governu kontrola makaas halo prevensaun ba Covid-19, nunee iha fulan Novembru governu liu husi Ministeriu Saude la rejistu ona kazu Covid-19 iha Timor Leste.

Kestaun nee hato’o husi Prezidente Republika Francisco Guterres Lú Olo, liu husi diskursu iha selebrasaun loron 28 de Novembru iha Aldeia Darsula, Suku Gariuai, Postu Administrativu Baucau Vila, Munisipiu Baucau, Domingu nee (28/11/2021).

Prezidente Republika hatete, ho deklarasaun Estadu Emerjensia (EE) tutuir malu no medidas prevensaun kontrola makaas, neebe governu foti kedas didikasaun tomak husi lina frente no apoiu husi sidadaun sira hotu, no ikus liu ho vasina neebe simu husi país doador sira, konsege duni hamenus impaktu husi Covid-19 ba saude publika. Maibe hanesan akontese iha país sira seluk, pandemia nee afeta makaas tebes ekonomia Timor-Leste nian, tanba medidas neebe Estadu Timor-Leste tenke foti atu  proteje nia ema.

Nia dehan, atu hamenus impaktu negativu iha vida família sira nian no hasae mos rendimentu ba produtor sira, governu foti lalais desizaun fo subsídiu ba uma kain no fahe sesta bazika ba ema idak – idak ho polítika sosa produtu lokal mai agrikultor sira.

“Ita nia governu foti mos medidas oin – oin hodi apoia empreza sira,  estadu hatene katak, medida sira nee deit la to’o, nee duni, governu aprova planu rekuperasaun ekonomika, ho medidas atu apoia ekonomia iha rai laran. Planu ida nee fo atensaun liu ba ema nuudar alvu prinsipal iha ita nia polítika publika,” dehan Lú Olo.

Tanba nee, importante tebes investe liu tan iha saude, iha edukasaun, iha abitasaun, iha protesaun sosial no iha setor ekonomiku produtivu sira, liu – liu iha setor agrikultura no turizmu, tanba bele harii empregu barak, Prezidente Republika agradese mos empreza sira, tanba biar hasoru difikuldade, halo esforsu nafatin ho apoiu finanseiru husi Seguransa Sosial, la hasai ema husi servisu.

Entretantu, Prezidente Republika promulga ona mos proposta alterasaun dahuluk ba lei sistema saude tinan 2004, neebe hato’o husi Parlamentu Nasional, atu entidade relevante sira iha kbiit atu hatan diak liu ba ezijensia no nesesidade atu proteje saude publika.

(eme)

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...