Kazu Providensia Cautelar Aas Iha TDB

DILI, STLNEWS.co – Servisu Tribunal Distrital Baucau (TDB) nian hatudu katak, krime neebe kuaze barak liu rejista iha neeba, mak krime providensia cautelar, kompara ho Tribunal Dili no Suai.

Tuir Juiza Administradora Tribunal Distrital Baucau, Jumiaty Freitas katak, iha ferias judisiariu prosesu neebe ho karakter urjensia kontinua lao, ho servisu turnu, no agora dadaun prosesu providensia cautelar kuaze rejista barak.

“Providensia cautelar, primeiru interogatoriu, prosesu sumariu, despaixu ruma neebe urjente, ami kontinua atende to’o loron 16 fulan Setembru. Agora mos prosesu providensia cautelar kuaze rejista barak,” dehan Jumiati ba STL liu husi telefone, Tersa (31/08/2021).

Nia hatutan, maske ferias hela sira la iha Baucau, maibe kuandu prosesu ruma tama sira desloka kedas ba hodi atende prosesu sira nee, depois de remata mak fila fali. Tribunal Baucau iha juiz nain neen (6), no servisu turnu neebe iha kada juiz ida, turnu durante semana ida.

Hatan konaba pandemia neebe agora akontese, juiza nee dehan konfinamentu neebe iha regra hakerek kedan servisu balu tenke lao, hanesan tribunal mos tenke lao, tanba nee kontinua halao servisu neebe urjensia, maibe kumpre nafatin regra husi Ministeriu Saude hodi prevene an husi Covid-19 inklui variante Delta.

Iha fatin ketak, Juiz Administrador Tribunal Distrital Suai Jose Maria dehan, julgamentu normal, hatudu katak krime neebe aas iha Tribunal Distrital Suai (TDS), mak krime violensia domestika, ofensa simples no kontra bandu.

Nia hatutan, agora dadaun tama ona ba iha ferias judisiariu, tuir mapa turnu neebe iha, turnu no atende kazu urjente deit hanesan primeira interogatoriu, sumariu, no prosesu sivil providensia Kautelar.

Nunee iha ferias judisiariu nee prosesu normal tribunal suspende hotu, no atende deit kazu sira neebe urjensia.

Nia esplika, TDS agora dadaun iha juiz nain neen (6), no turnu neebe fahe juiz ida no ofisial ida turnu semana ida, depois mak ba fali juiz seluk.

Aleinde nee Juiz Administrador Tribunal Distrital Dili, Afonso Carmona afirma, krime neebe tribunal atende barak liu, mak krime violensia domestika, kompara ho krime seluk. Akontese problema kauza mai husi deskonfia malu, no ekonomia uma laran mos.

Reportajen: Terezinha de Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: