Krime VD, Kontra Bandu Aas Iha TDS

DIlI, STLNEWS.co – Antes nee julgamentu normal hatudu katak, krime neebe aas iha Tribunal Distrital Suai (TDS), mak krime violensia domestika, ofensa simples no kontra bandu.

“Antes nee iha julgamentu normal prosesu neebe barak liu, sei mantein nafatin ho krime violensia domestika, ofensa simples, no juiz kolektivu nian nafatin ho krime kontra bandu,” dehan Juiz Administrador Tribunal Distrital Suai, Jose Maria, ba STL liu husi telefone, Kinta (26/08/2021).

Nia hatutan, agora dadaun tama ona ba iha ferias judisial, tuir mapa turnu neebe iha, turnu atende kazu urjente deit hanesan primeira interogatoriu, sumariu, no prosesu sivil providensia Kautelar. Nunee iha ferias judisiariu nee prosesu normal tribunal suspende hotu, no atende deit kazu sira neebe urjente.

Nia hatutan, Tribunal Distrital Suai agora dadaun iha juiz nain neen, no turnu neebe fahe juiz ida no ofisial ida turnu semana ida, depois mak ba fali juiz seluk.

Iha fatin ketak, Juiz Administrador Tribunal Distrital Dili, Afonso Carmona dehan, krime neebe tribunal atende barak liu, mak krime violensia domestika, maibe iha ferias judisial tribunal atende deit kazu urjente.

Nia hatutan, iha ferias judisiariu tribunal atende deit kazu urjente no ba krime nian juiz sira neebe kaer prosesu krime atende deit hanesan primeira interogatoriu, sumariu, arguidu prezu no juiz sira neebe kaer prosesu sivil atende prosesu providensia kautelar.

Tuir observasaun STL nian katak, iha tribunal ferias judisiariu nee tribunal halo ona primeira interogatoriu ba iha prosesu balu.

Hanesan prosesu emprezariu nain haat neebe detein husi KAK, iha ferias nee submete ba iha primeira interogatoriu, no ikus mai despaixu tribunal aplika medida aprezentasaun periodika ba arguidu nain tolu, no provisaun de auzensia ba arguidu nain ida.

No kazu ida tan, neebe deskonfia arguidu publika segredu justisa neebe sei relasaun ho kazu Topo Honis, iha ferias nee arguidu submete ba iha prosesu primeira interogatoriu no hetan medida aprezentasaun periodika.

No kazu ida tan mak, iha ferias nee submete ba prosesu primeira interogatoriu, krime tentativa violasaun, arguidu hetan medida prizaun preventiva.

Tanba nee signifika katak, ferias nee tribunal kontinua atende prosesu urjente, no arguidu prezu sira.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: