Kultura Mak Identidade Nasaun

Sekretariu Estadu Arte no Kultura (SEAK) Teofilo Caldas. (Foto: STL/Alberto Menezes)

ERMERA, STLNEWS.co – Papel governu oinsa atu dezenvolve kultura Timor Leste, tanba kultura mak identidade nasaun ida nee nian.

Kestaun nee hatoo husi Sekretariu Estadu Arte Kultura, Teofilo Caldas, liu husi diskursu, bainhira akompana PR. Francisco Guterres Lú Olo, iha dialogu abertu ho komunidade sira iha Munisipiu Ermera, Kinta (19/11/2020).

Nia dehan kultura iha Timor Leste kumpri ba konstituisaun RDTL Artigu 59 koalia kona ba edukasaun no kultura. Nunee mos Artigu 6 koalia kona ba patrimonia.

“Ohin ita mai hamutuk atu promove ita nia kultura iha ita nia nasaun ida nee, permite hau atu koalia lai moto Sekretariu Estadu Kultura, kultura forte nasaun metin povu nasaun metin, kultura mak nasaun metin no hun kultura mak nasaun hun no abut,” katak Teofilho.

Nia hatutan, programa governu da-8 hamutuk ho membru governu oinsa dezenvolve arte no kultura.

Iha fatin hanesan Prezidente Republika, Francisco Guterres Lú Olo hatete, tuir komprimisiu husi Prezidente Republika neebe uluk mai hahu iha kampanna iha Munisipiu Ermera kasu hela lia ba povu tomak katak.

“Hau sei eleitu ba Prezidente Republika hau sei sai Prezidente ba povu tomak, liu husi komprimisiu ida nee mak bainhira hau re eleitu sai Prezidente Republika hau tenke fila fali ba hau nia hun no abut povu ida nee, atu rona diretamente sira nia lian halerik haree diretamente ho matan saida mak sira hasoru,” katak PR Lú Olo.*

Reportajen: Emerenciana Pinto
Editor: Carme Ximenes

LEAVE A REPLY

Please enter your comment!
Please enter your name here