Labarik 24 Simu Sakramentu Batizmu, Pe. Wilhelmus: Sai Ona Membru Igreja Katólika

MANUFAHI, STLNEWS.co – Labarik nain rua nulu resin haat (24) simu sakramentu batizmu, ida nee sai ona membru igreja Katolika Roma nian, no ema hotu hahi ho haksolok.

Iha omilia Amu Vigario Parokia Alas, Padre Wilhelmus Kolo OFM katak, simu sakramentu batizmu, loron nee, ema hotu atu hahi ho haksolok. Neebe simu sakramentu batizmu nee, halo ema hotu aprezenta nia an ho haksolok, labele aprezenta an ho oin neebe la haksolok.

“Iha loron ida nee, oan sira hakarak simu batizmu, tanba nee hahi no haksolok ba, basa hau mai atu haksolok hamutuk ho ita nia an rasik, ho ita nia oan sira neebe simu sakramentu batizmu,” katak Amu Vigario parokia Alas, Pe. Wilhelmus Kolo OFM, bainhira prezide misa fo batizmu ba labarik nain rua nulu resin haat (24), iha Gruta Santo Antônio de Pádua, Wedauberk, Maquidan Alas, Munisipiu Manufahi.

Tuir Pe. Vigario nee katak, ba ema neebe seidauk simu sakramentu batizmu, nia seidauk sai membru igreja Katolika Roma nian.

Maibe bainhira simu ona sakramentu batizmu, nee signifika sai ona membru igreja Katolika Roma nian, nia mos iha diretu atu hakbesik an ba igreja. Tanba nee inan aman tenke hatudu ba oan atu ba Maromak, i hatudu dalan diak ba oan sira.

Aleinde nee, iha intervista Amu Vigariu nee mos informa, Parokia Alas, Postu Administrativu Alas, Munisipiu Manufahi, sei halao misa  ordenasaun, saserdote ba padre nain rua (2), no diakonal nain ida (1), iha loron 24 fulan Outobru tinan nee.

“Konaba ami nia preparasaun atu halo ordenasaun ba amu nain rua (2) nomos diakonu nain ida, tanba durante nee parokia Alas mos simu ona liafuan husi amu bispu katak, halo ordenasaun saserdote no diakonu nian, iha parokia Alas,” informa Amu Vigario parokia Alas, padre Wilhelmus.

Amu vigario nee hatete, lolos nee atu koalia konaba asuntu nee, amu parokia, tanba padre rasik hanesan amu vigario, maibe husu konaba preparasaun, tanba nee parte fo informasaun, loron neebe atu ordena misa saserdote no diakonal, neebe hanesan iha misa fo batizmu ba oan sira nain rua nulu resin haat (24), mos fo sai ona konaba preparasaun nee.*

Reportajen: Guilhermina Franco

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...