Labele Abandona Loron Determina Timor Nia Destinu

BAUCAU, STLNEWS.co – Porta voz Movimentu Universidade Timor Lorosa’e (MUTL) Claudio Francisco Luraku husu ba ukun nain labele abandona loron 4 fulan Setembru, tanba loron nee mak determina Timor Leste nia destinu.

Lia hirak nee Porta Voz MUTL Claudio Francisco Luraku katak ba STL iha nia rezidensia Tequinomata Laga, Sabadu nee (04/09/2021).

“Loron ida nee mak destinu ba Timor Leste, nunee hau husu ba ukun nain labele abandona ita nia loron importante sira hanesan loron 4 fulan Setembru monu iha ohin,” dehan Luraku.

Nia hatutan, loron 4 fulan Setembru loron neebe mak importante ba povu Timor tomak atu selebra, tanba loron nee mak sai alvu importante determina libertasaun patria ba nasaun ida nee.

Luraku hateten, maske iha situasaun oinsa mos tenke selebra netik, atu nunee bele rai istoria sira nee ba jerasaun foun, se lae neineik ba beibeik istoria TL nia sira nee bele lakon.

Luraku hanesan jerasaun foun sente triste ho loron importante neebe la selebra, signifika la valoriza no fo onra ba loron importante nee.

Nunee nia husu ba ukun nain sira, maske iha situasaun difisil oinsa mos, kria netik kondisaun atu nunee bele selebra loron importante nee, labele ho razaun Serka Sanitaria (SS) no Konfinamentu Obrigatoriu (KO) hodi husik deit loron nee sai hanesan fali loron baibain, nee signifika la fo istoria ba jerasaun foun sira konaba loron importante nee, tanba iha Timor Leste mos sidadaun barak ona mak tuir vasina kontra Covid-19 balun simu ona to’o doze daruak, nee bele selebra.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: