MAE Ho Administrasaun Munisipiu, Avalia Progresu Vasina Iha Baucau

BAUCAU, STLNEWS.co – Vise Ministru Administrasaun Estatal (MAE) hamutuk ho Administrasaun Munisipiu Baucau, halao avaliasaun progresu vasina iha munisipiu refere.

Lia hirak nee hato’o husi Vise MAE, Lino de Jesus Torrezão liu husi nia diskursu iha salaun Sentru Konvensaun Baucau Vila Antiga, Segunda nee (27/09/2021).

“Avaliasaun nee hanesan instrumentu ida, ita uza servisu durante fulan hira nia laran,” dehan nia.

Nia hatutan, durante nee mos hanesan servisu, hanesan Vise Ministru Administrasaun Estatal halao ona avaliasaun progresu vasina iha Munisipiu Lautem remata ona, nunee dadaun nee realiza fali iha Munisipiu Baucau.

Razaun desloka tan membru nain lima iha Munisipiu Baucau, atu apoiu servisu administrador postu no lider komunitaria sira, tanba stock vasina neebe mak iha Timor Leste besik atu prazu liu ona, nunee liu husi destaka membru nee, atu apoiu servisu aselera programa vasinasaun iha Munisipiu Baucau, bele atinje tuir numeru tarjetu neebe mak iha, nomos vasina neebe mak iha armajen labele sai to’o expire.

Iha fatin hanesan, Presidente Autoridade Munisipiu Baucau, Olivio Freitas kontinua husu ba populasaun Baucau, atu partisipa iha programa vasinasaun, nunee bele atinje to’o numeru neebe mak iha, nunee mos husu komunidade labele tauk atu simu vasinasaun.

“Se mate, mundu tomak simu vasina AstraZeneca, nasaun 91 iha mundu nee mate hotu ona, rai mamuk ona,” hakotu nia.

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...