Manufahi Preparadu Ba Eleisaun Suku, Feto Prienxe 57 Kandidatu

DILI, STLNEWS.co – Oras nee daudaun Munisipiu Manufahi preparadu 100% ba eleisaun suku, no feto prienxe 57 kandidatu, 24 ba Xefi Suku no 29 ba Xefi Aldeia.

“Husi Manufahi preparadu, tanba ita mai ho edukasaun votantes neebe parte CNE halo ona. Halo formasaun ba pesoal apoia suku, nunee mos formasaun ba meza eleisaun suku agora lao hela”, haktuir Administrador Munisipiu Manufahi, Arantes Isaac Sarmento ba STL iha Manufahi via telefone,┬áKuarta (11/10/2023).

Aleinde nee, forma tan ekipa ida husi governu sentral, husi munisipiu nian atu apoia STAE ba Postu Administrativu 4, hodi halao eleisaun suku.

Tanba nee, entermus tekniku Manufahi preparadu, i fatin sira neebe atu asesu ba votasaun sira mos preparadu, rekursu mos preparadu, hotu hein realiza eleisaun.

“Iha eleisaun nee, feto lubuk mos kandidatu aan, hein submete kandidatura mai sei haree, maibe feto prienxe 57 kandidatu, 24 ba Xefi suku no 29 ba Xefi aldeia”, tenik Arantes.

Arantes informa, dia 13 bainrua kandidatu sira submete sira nia kandidatura, neebe Manufahi preparadu 100%.

Tuir nia, Manufahi iha Postu Administrativu 4, suku 29 no aldeia 137.

(gui)

LEAVE A REPLY

Please enter your comment!
Please enter your name here