Manufahi Uza Loron Konsulta Popular Dezinfekta Edifisiu Estadu

DILI, STLNEWS.co – Munisipiu Manufahi uza loron Konsulta Popular 30 de Agostu, hodi dezinfekta edifisiu estadu, tanba orientasaun husi nasional la halao selebrasaun tanba iha situasaun pandemia Covid-19.

Informasaun nee hatoo husi Administrador Munisipiu Manufahi, Isaac Arantes, ba STL via messenger, Segunda (30/082021).

“Orientasaun nasional la halao selebrasaun, tan nee iha Munisipiu Manufahi hamutuk ho joven sira uza loron importante ohin halo dezinfekta ba edifisiu estadu hodi prevene Covid-19,” informa Isaac Arantes, Administrador Munisipiu Manufahi.

Nia dehan, ohin selebrasaun loron Konsulta Popular ba dala 22, maibe munisipiu labele halao selebrasaun, tanba hanesan ema hotu hatene Timor-Leste agora dadaun iha hela situasaun pandemia Covid-19, maibe ho loron nee sira uza ba oinsa prevene Covid-19 nee, nunee halao dezinfekta ba edifisiu sira.

Tuir nia, mezmu lahalao selebrasaun maibe hatoo parabéns ba povu Timor-Leste tomak, tanba loron nee povu Timor-Leste determina independensia.

Entretantu observasaun jornalista STL haree katak, loron Konsulta Popular 30 de Agostu ba dala 22 nee, laos deit iha Munisipiu Manufahi, maibe iha Munisipiu Dili inklui munisipiu seluk la halao selebrasaun, tanba oras nee dadaun iha situasaun pandemia Covid-19 hela, nomos variante Delta hahu invade iha Timor Leste.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: