Matebian Pe. Francisco Pinheiro Ema Neebe Hatene Tetu

BAUCAU, STLNEWS.co – Amu Bispu Dioseze Baucau, Dom. Basilio do Nascimento liu husi omilia hatete, matebian Francisco Pinheiro Silva ema ida neebe hatene tetu no sukat ba problema hotu.

“Pe. Francisco ema ida neebe ekilibriu, hatene tetu no sukat sasan, la halai liu ba neeba la halai liu ba ida nee, la halai liu ba karuk, la halai liu ba loos, Pe. Francisco hatene tau nia an iha klaran, tanba nee mak Francisco sai hanesan referensia bei – beik ba Dioseze Baucau nian,” dehan Amu Bispu Dioseze Baucau, Dom. Basilio liu husi nia omelia, iha Katedral Vila Antiga, Baucau, Kuarta nee (25/08/2021).

Dom. Basilio mos hanoin, padre matebian Franscisco Pinheiro Silva hanesan ema ida neebe servisu ho kualidade hatudu duni ba dioseze rua seluk.

Amu nee hatutan, nia mos hanoin servisu neebe nia halo kualidade hatudu mos ba dioseze rua seluk husi servisu neebe nia halao.

Amu nee konta, matebian padre Francisco Pinheiro ema ida neebe mak hatene simu ema hotu – hotu, nunee ema hotu hanoin, bainhira padre matebian Francisco Pinheiro nia hamnasa, hatudu sakrifisiu lubuk ida ba uma kreda Timor laran tomak.

Servisu seluk neebe mak ema seluk labele halo, padre matebian Francisco bele halo, bainhira hanoin ba atividade iha nivel uma kreda Timor tomak, Padre matebian Francisco nia naran sempre boot sai hanesan koordenador ba atividade hotu – hotu neebe mak uma kreda atu halo.

Fou-foun, bainhira Amu Bispu sira atu hasoru malu iha Timor Leste, padre matebian Francisco mak hanesan organizador ba ekipa sira nee hotu, hatudu duni nia kapasidade organizativu iha tempu neeba.

Nunee mos iha 500 anos uma kreda Timor nian matebian Padre Francisco mak nafatin sai hanesan komisaun organizador.

Amu nee hatutan, padre matebian Francisco Pinheiro ema neebe nonok ho kapasidade matanek hanesan sai referensia ida ba ema hotu.

Matebian, Vigariu Jeral Dioseze Baucau, Padre Francisco Pinheiro Silva, moris iha loron 16 fulan Novembru tinan 1963, iha Aldeia Urufou, Suku Hola-rua Postu Administrativu Manufahi, Munisipiu Manufahi no oan husi Luis de Araujo Silva no Juleita da Silva Pinheiro.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: