Torneu Referendum Cup 99; Maugenulau Halakon Alosai 2-0

Iha loron Kinta (20/08/2020) jogu kontinuasaun 8 finais Torneu Referendum Cup, ne'ebé halao iha postu administrativu Letefoho, Munisipiu Ermera, fase segundo entre ekipa FC Maugenulau Vs FC Alosai. (Photo: STLNews/Terezinha de Deus)

ERMERA, STLNEWS – Iha loron Kinta (20/08/2020) jogu kontinuasaun 8 finais Torneu Referendum Cup, ne’ebé halao iha postu administrativu Letefoho, Munisipiu Ermera, fase segundo entre ekipa FC Maugenulau Vs FC Alosai.

Tuir jogador FC Maugenulau, Simiao Ribeiro katak, jogu ne’e ekipa FC Maugenulau konsege halakon nia adversariu FC Alosai ho rezultadu 2-0.

“Iha primeira parte ekipa rua esforsu makaas atu nune’e bele manan hodi rekolla pontus, hodi bele ultrapassa iha jogu tuir mai. Maibe iha minutu 20 sorti boot monu ba ekipa FC Maugenulau hodi fura rede FC Alosai husi jogador ho numero 13, hodi muda skor ba 1-0 to’o primeira parte termina,” dehan Simiao Ribeiro, via telefone Sesta (21/08/2020).

Nune’e kontinua ba segunda parte, ekipa FC Alosai mos lakohi lakon oportunidade hodi fo kontra atake makaas ba ekipa FC Maugenulau, maibe la konsege rezulta golu.

Nafatin sorti fila fali ba iha FC Maugenulau, hodi fura tan rede FC Alosai ba dala rua husi jogador ho numeru 10 hodi muda skor ba 2-0.

Rezultadu ida ne’e halo jogu manas liu tan, maibe la rezulta tan golu to segunda parte termina ho rezultadu final 2-0.

Ho rezuladu ida ne’e ekipa FC Maugenulau konsege rekolla ona pontus 6 no golu 3, iha primeiro jogu no segundu jogu ikus FC Maugenulau sei hasoru ekipa FC Cristo Liurai iha loron Domingo (23-08-2020).

Reportajen: Terezinha de Deus

Editor: Ekipa STL

LEAVE A REPLY

Please enter your comment!
Please enter your name here