Miguel Simu Pose Nuudar Administrador Venilale

BAUCAU, STLNEWS.co – Loron 02 fulan agostu tinan 2021 Miguel Mendes Manso Guterres simu ona tomada de pose hodi asume kargo nuudar Administrador Postu Venilale, Munisipiu Baucau.

Bainhira remata tomada de pose, Administrador Postu Venilale Miguel Mendes Manso Guterres ba jornalista iha salaun Sentru Konvensaun Baucau (CCB – sigla portugues) Vila Antiga, Kinta nee (02/09/2021) hatete, hanesan oin foun asume kargu neebe mak iha, sei halo kooperasaun tomak ho administrasaun sira iha Postu Venilale, seguransa, saude, veteranus antigu kombatentes nomos intelektual sira iha Venilale laran, tanba liu husi kooperasaun mak hatudu unidade ba kooperasaun ida importante.

Nia hatete, planu ba dezenvolvimentu nian iha Postu Venilale labele kompromete uluk, maibe presiza halo verifikasaun lai atu nunee bele hatene saida mak prioridade liu ba povu Venilale.

“Saida mak prioridade ba povu Venilale, hau haree seidauk tama, haree husi kotuk hau haree hetan, maibe hau tama haree deit katak, planu saida mak prioridade ba povu Venilale,” dehan administrador foun nee

Nia hatutan, durante nee mos povu Venilale sei hasoru hela difikuldade barak, nunee sei hamutuk ho entidades hotu iha Postu Venilale, nunee bele kria kondisaun, maibe sei la buka deit ba programa governu, maibe buka mos oinsa atu hetan dalan kooperasaun ho NGO sira atu fo apoiu.

“Primeiru mak nee, buka nia fundus ou hun, bee matan hun iha neebe hafoin ita organiza ho estadu no NGO atu dada,” tenik nia.

Aleinde nee mos nia dehan, problema neebe mak sai segundu iha Venilale mak problema konaba disputa rai, maibe sei buka meius atu rezolve problema hirak nee.

Nia hatete, maneira neebe atu uza hodi rezolve problema disputa rai iha Venilale mak, uza metodu akumula nai ulun sira iha Venilale, liu – liu mak antigu kombatentes sira, veteranus, Xefe Suku nomos intelektuais Venilale oan sira, tanba hamutuk mak dalan ida neebe forte atu rezolve problema hotu.

Iha fatin hanesan, administrador sesante Postu Administrativu Venilale Carlos Alberto Guterres liu husi nia diskursu mos hatete, bainhira sai Administrador Postu Venilale iha tinan 2016 moris deit ho orsamentu DOT, nunee bele dehan la halo buat ida to’o mandatu remata.

Ligadu ba atendimentu loron – loron ba komunidade no servisu munisipal nian sempre halo, maibe koalia konaba dezenvolvimentu la lao, tanba moris deit ho orsamentu DOT, nunee hanesan administrador ba pastu la bele halo buat ida.

Nia hatutan, mai iha tinan 2019 mos orsamentu aprova tiha, maibe selu tusan, tanban nee posto ho munisipiu labele halo buat ida.

Nunee mos iha tinan 2020 to’o tinan nee orsamentu sumba nafatin la halo buat ida iha postu. Ba programa neebe mak dadaun lao hela iha Postu Venilale mak programa PDNS regular, programa uma kbiit laek (UKL) atinje ona 50% lao hela. Nunee mos ba problema sosial neebe mak durante nia hasoru mak disputa rai.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: