Militante FRETILIN 112 Afilia Ba CNRT

VIQUEQUE, STLNEWS.co – Juventude husi Suku Builo, Postu Administrativu Ossu, Munisipiu Viqueque hamutuk 122 afirma ona sira nia pozisaun hodi afilia ba Partidu CNRT.

Juventude sira nee mai husi Suku Builo, Nahareka nomos Waitau, Postu Administrativu Ossu, Munisipiu Viqueque.

Dehan Prezidenti Konsellu Diretiva Nasional Partidu CNRT Deonísio Babo iha Suku Builo, postu Administrativu Ossu, Munisipiu Viqueque, Domingu nee (07/11/2021) katak, atividade konsolidasaun nee lao, tanba organiza husi organizasaun joven Partidu neebe koordena ho estrutura munsipiu atu dezamina informasaun konaba partidu nian.

Iha Suku Builo, postu Administrativu Ossu Munisipiu Viqueque, ida nee laos halo deit konsolidasaun, maibe halo mos dezaminasaun informasaun konaba programa partidu nian, atu sai hanesan mensajen politika ba populasaun sira iha Nahareka nee, tanba durante tinan naruk nia laran, iha nee iha ema CNRT maibe estrutura lao ladun diak,” dehan nia.

Nia dehan, ho estrutura sira foin simu pose nee mai ho atmosfera foun husi jerasaun foun sira, neebe hela iha area sentru Wabana nee sente katak opsaun atu dezenvolve nasaun presiza involve an iha partidu neebe mak iha vizaun lolos, hakarak kore povu husi kiak no mukit hanessn Partidu CNRT.

“Entaun iha kontestu libertasaun nasaun neebe durante nee ita komunga ema hotu bele partisipa hanesan iha vida politika, importante mak iha intensaun neebe diak atu dezenvolve ita nia rai, no tenke valoriza ita nia funu nain no asuwain sira neebe mak mate ba rai ida nee,” Dehan nia.

Nia hatutan, iha ambitu libertasaun povu nee Partidu CNRT iha papel importante mak hakarak lori dezenvolvimentu to’o iha area rural, nunee bele libertasaun povu husi terus no susar.

Iha fatin hanesan, Koordenador Juventude Bairru Abana Samuel da Costa, hateten hakarak sai militante Partidu CNRT, nee laos afilia husi partidu balun, maibe juventude neebe pertense iha Suku Builo, Nahareka nomos Waibobo haree katak, durante nee haree pakote dezenvolvimentu lao, maibe liu – liu iha komunidade mota sorin seidauk sente ukun an lolos, tanba eletrisidade, estrada, merkadu la iha, dezde ukun an to’o agora seidauk iha.

Ho razaun sira nee mak ami hakarak mai hamutuk ho Partidu CNRT atu bele manan iha Eleisaun Prezidensial 2022 no Eleisaun Parlamentar, nunee bele lori dezenvolvimentu to’o iha ami nia fatin.

Tanba nee, nia promete sei lori vitória ba CNRT, tanba CNRT mak sei bele haree difikuldade neebe mak povu sira sente.

“Ohin kompaneiru sira to”o mai fatin nee haree rásik ho matan eletrisidade la iha, estrada ladiak, ami prontu fo vitória, maibe bainhira manan eleisaun keta haluha preokupasaun ami komunidade sira nian, nunee ami mos bele sente ukun an nee nia benefisiu ba ita hotu,” dehan nia.

(alb)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...