Misa Agradesimentu, Pe. Eugenio; Xanana Husu Amo Tulun Juventude

Lider Karismatiku Kay Rala Xanana Gusmão fó han dosi keek ba Padre Foun, Pe. Eugenio Redentor Marques Caunan Lafu, hafoin halao Misa Agradesimentu iha Igreja Misionaria Santo Antonio Oelmambai, suku Usi Tasae, Sabadu (22/8/2020). (Photo: STL News/Joseph Koa)

OESILO, STLNEWS.co – Lider Karismatiku Kay Rala Xanana Gusmão liu husi nia deskursu iha serimonia misa agradesimentu Padre foun, Pe. Eugenio Redentor Marques Caunan Lafu, husu ba amo lulik sira hotu iha Teritoriu Timor Leste (TL) laran tomak, ne’ebé hetan vokasaun ona vokasaun domin atu tulun forma juventude sira iha uma kreda atu lori nasaun Timor ba oin.

“Hau husu ba amo lulik sira hotu iha Timo,r ne’ebé hetan ona formasaun oi-oin sai amo lulik atu tulun juventude liu husi fó formasaun ba sira iha TL, liu-liu iha Oecusse atu tulun fó formasaun ba juventude hanesan jerasaun kontinuador ba nasaun no povu rai doben ida ne’e. Sente kontente hau hato’o agradesimentu wain ba sarani tomak husi estasaun misionaria Oelmambai, amo lulik sira, liu-liu ba amo foun, Pe. Eugenio Redentor Marques Caunan Lafu, ne’ebé konvida ami mai partisipa misa agradesimentu,” dehan Xanana, bainhira partisipa iha misa agradesimentu iha igreja Misionariu Oelmambai, Sabadu (22/8/2020).

Iha oportunidade n’ee, Pe. Eugenio Redentor Marques Caunan Lafu, hato’o agradesimentu ba sarani tomak iha Timor, liu-liu sarani sira iha Oecusse, Paroquia Oesilo no Usi Tasae, ne’ebe hola parte iha misa agradesimentu ida ne’e.

“Misa agradesimentu ida ne’e halo ami senti ksolok boot teb-tebes, tanba ida ne’e agradese ba ita boot sira nia prezensa iha ne’e, amo sira, avo Xanana ho ninia komitiva, familia boot husi paroquia hotu ne’ebé hola parte iha misa ne’e. Hau hanoin iha tinan 70 liu ba, prezensa misionariu sira iha Oelmambai ba no misa agradesimentu ida ne’e foin primeira vez. Ita agradese ba Nai Maromak ba grasa ida ne’e, ita selebra misa hamutuk iha fatin ida ne’e, sai hanesan istoria foun ida ba Oelmambai, liu-liu iha ami nia suku Usi Tasae,” dehan nia.

Kontinua ba pagina 2

LEAVE A REPLY

Please enter your comment!
Please enter your name here