MS Fasilita Formasaun Ba Ekipa Frontline

BAUCAU, STLNEWS.co – Ministeriu Saude liu husi Pillar 6 Prevensaun no Kontrolu ba Infeksaun, fasilita formasaun ba ekipa lina frente iha Munisipiu Baucau.

Lia hirak nee hatoo husi Responsavel Apoiu Tekniku Pillar 6, Mateus Rafael ba jornalista sira Tersa nee (08/06/2021), iha salaun enkontru servisu saude Munisipiu Baucau.

Nia hateten, objetivu Pillar 6 nian atu fasilita formasaun ba ekipa lina frente sira hodi orienta oinsa halo dezinfekta iha terenu ho lolos.

Nia dehan, formasaun nee importante ba ekipa lina frente sira, tanba moras virus corona hadaet liu husi maneira direta nomos indireta.

”Objetivu husi aktividade loron ohin no aban nian konaba oinsa ita orienta lina frente sira hamutuk ho FDTL, PNTL, Bombeirus, pesoal saude sira seluk inklui mos ho CVTL orienta oinsa atu halo dezinfeksaun neebe lolos tuir estandar WHO nian, tanba aktividade nee hamutuk ho Ministeiru Saude no OMS mak realize,” salienta Mateus.

Nia afirma, liu husi formasaun nee mos nafatin kapasita sira wainhira mosu kazu obitu ruma iha Munisipiu Baucau, sira rasik bele halo dezinfekta tanba durante nee kazu obitu iha nasional neebe desloka ba munisipiu ekipa nasional mak halo dezinfekta, maibe ho formasaun nee ekipa munisipiu prontu ona hodi halo dezinfekta.

Iha fatin hanesan, Diretor Foun Servisu Munisipal Saude Baucau, Domingos Reinaldo Guterres hateten, formasaun nee importante ba ekipa frontline sira hodi nunee fahe fali informasaun ba komunidade sira iha baze, atu bele redus moras surtu Covid-19 iha Munisipiu Baucau.

“Ita halao tinan ida ona antes moras Covid nee seidauk mosu barak ekipa sira nee halo ona dezinfekta iha fatin fatin, iha eskola, iha igreja, iha instituisaun hotu hotu halo dezinfekta makaas rega iha neeba, maibe depois moras nee sae makaas ema la dun iha ona konsiensia, nee mak agora dadaun sira nain hira nee mai tuir treinamentu para fahe informasaun,” haktuir nia.

Reprezentante Formasaun Segundu Komandante Bombeirus, Jose Franscisco da Costa hateten, liu husi formasaun nee bele komprende diak liu tan kona ba oinsa kahur ai moruk dezinfekta molok atu halo dezinfekta.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: