Negosiante Darsula Nia Sasan Folin

BAUCAU, STLNEWS.co – Negosiante kiik neebe halao atividade negosiu iha Darsula, Suku Gariuai, Munisipiu Baucau, sente kontente, tanba sasan neebe sira faan folin tebes iha ambitu komemorasaun loron 28 de Novembru iha Munisipiu Baucau.

Tuir negosiante Sonia Soares husi Grupu Tres Familia neebe mak involve an iha Rede Feto, Feto Pas no Seguransa ba jornalista iha Darsula Sesta nee (26/11/2021) hatete, nia sente kontente tebes, tanba governu realiza loron 28 de Novembru iha Munisipiu Baucau halibur ema barak, tanba nee, sasan neebe mak sira faan folin tebes.

“Hau sente kontente ho tempu agora tanba ho komemorasaun loron 28 de Novembru neebe mak realiza iha Munisipiu Baucau, hau faan sasan hetan lukru maizoumenus diak, kompara ho loron baibain hau faan nee, no kalan ida hau hetan US$ 100 resin,” dehan nia.

Negosiante nee hatutan, tempu baibain nia halo negosiu laos faan iha estrada ninin, maibe faan kripik hodi transfer ba loja sira kada semana.

Nia mos hato’o agradese ba Governu Timor Leste, tanba bele realiza loron importante 28 de Novembru iha Munisipiu Baucau, nunee sira bele promove sira nia produtu lokal sira.

iha fatin hanesan, negosiante Lucia Ximenes mos hato’o katak, nia sente kontente, tanba governu loke ona pameran iha Munisipiu Baucau, nunee sira faan sasan folin tebes.

(eme)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...