Oan Selebra Misa Mesak Iha Baucau

BAUCAU, STLNEWS.co – La partisipa misa selebrasaun masakre iha Suku Malelat, Postu Administrativu Passabe, Munisipiu Oe-cusse neebe realiza iha ohin, Tarsiano Nino Sila hanesan oan martir husi saudozu Saturnino Nino ho fuan ho laran selebra loron importante nee mesak iha Munisipiu Baucau.

“Ohin sira halao serimonia ida iha neeba hau nia apa nia mate, depois aban hau sei halao fo hau nia fuan komemora loron indepedensia nee,” dehan oan saudozu Tarsiano Nino Sila ba jornalista iha Sentru Filteda Uatulete Baucau, Domingu kalan (29/08/2021).

Nia hatutan, nasaun Timor Leste sai ukun an mos manan ho funu boot neebe lori luta naruk durante tinan 24 nia laran.

Nia konta durante tinan 24 nia laran nasaun Timor Leste lakon nia ema barak, inklui mos martir Saturnino Nino, nomos nia alin Tomas Nino iha fatin Nunfolo bairo huek nutu, Aldeia Malelat, Suku Malelat, Postu Administrativu Passabe, Munisipiu Oe-cusse loron 29 fulan Agostu tinan 1999.

Nunee iha momentu neeba martir maun alin nain rua nee hanesan hein postu ronda, iha loron 29 fulan agostu tinan 1999 kalan, bainhira forsa sira husi Indonezia tama atu halo kapturasaun ba sira, martir nia maluk sira neebe mak hein hamutuk iha postu ronda nee hotu – hotu halai, so uniku martir nain rua nee mak lakohi halai, tanba martir Saturnino Nino no Tomas Nino iha prinsipiu ida katak, mate ka moris hakarak fo an duni ba iha ukun rasik an nee.

Tarsiano hatutan, iha momentu neeba sei otas kiik, maibe tuir istoria neebe mak nia rona husi nia inan no mos husi sasin sira, katak lori ba iha Postu Administrativu Passabe nian.

Prosesu foti martir nain rua nee nia ruin Timor Leste iha ona ukun rasik an nia laran mak foin malae mutin UN (United Nations) sira uza material teknolojia hodi detekta martir nain rua nee nia ruin.

Nia afirma momentu neeba maske sei kiik, maibe sei relembra buat neebe mak akontese ba nia aman maun alin nain rua, nunee hanesan oan tanis husu apa nia naran.

“Hau sei kiik maibe hau hatene sira mate tan rai ida nee nia independensia,” tenik nia.

Liu husi telefone, familia husi saudozu Saturnino Nino Octaviano Vaz ba STL hatete, loron ohin 29 fulan Agostu hanesan loron importante ida atu hanoin hikas fali ba saudozu nain rua nia mate iha tempu neeba.

“Ohin ami halao serimonia selebrasaun misa ba martir sira, tan nee ami konsidera loron nee importante hodi ami halo selebrasaun misa nee,” nia hakotu*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: