OJP-CNRT Covalima Optimista, Sei Manan Eleisaun Jeral 2023

DILI, STLNEWS.co – Prezidente Organizasaun Juventude Partidu Congresu Nasional Recontrusaun Timor (OJP-CNRT) Munisipiu Covalima, Filomeno Cardoso hatete, sira iha optimista boot. Iha Munisipiu Covalima, partidu CNRT sei manan eleisaun jeral (EJ) 2023.

Sabadu (14/11/2020) semana kotuk, OJP-CNRT halao konsolidasaun no fo tomada pose ba foin sae Partidu CNRT nain 120. Sira nee mai husi area postu administrative 7, suku 30, no aldea 148 iha area Munisipiu Covalima.

Ho prezensa membru foun OJP-CNRT nee, sira iha esperansa ida hodi resposta ba eleisaun ruma. “Eleisaun saida mak mosu, karik tinan oin ka iha tinan 2023 mos, ami prontu ona atu haosoru. Tanba nee ami optimista katak, Partidu CNRT sei manan eleisaun iha Covalima,” hatete Filomeno Cardoso iha Sede Partidu CNRT, Suku Kamnasa, Suai Vila, Sabadu (14/11/2020).

Nia hatete, OPJ-CNRT firmi nafatin hodi hein desizaun saida deit husi nasional, relasaun ho situasaun politika railaran neebe sei mai.

Iha fatin hanesan, Vise Prezidente Partidu CNRT, Virgilio Smith hatete, Timor Leste besik ona ba periodu eleisaun. Parpol hotu-hotu sempre halo konsolidasaun ba estrutrura, liliu joven sira neebe hanesan eleitor foun nunee prepara sira hodi tuir eleisaun.

I konsolidasaun no pose ba membru OJP-CNRT nee, planu husi Organizasaun Joventude Nasional (OJN)- Partidu CNRT no munisipiu. Nee halao ona iha munisipiu 10 inklui RAEOA. Sei falta Dili no Viqueque.

“Nee hanesan prepataivus nunee lori sira ba iha komferensia nasional revilitasaun estrutrura Partidu nian, no iha eventu nee mos fo sai infromasaun ba joven sira kona ba fronteira maritima, industrial petroliferu nomos projetu neebe sei implementa iha Kosta Sul, nunee joven sira bele hatene vantajen no benefisiu tempo oin mai ba povu Timor Leste tomak,” nia esplika.

Nia hatete, prinsipalmente, Partidu CNRT sempre nakole an ba Timor oan hotu neebe iha hanoin no prinsipiu hanesan ho Partidu CNRT nia moto hodi hare ba iha dezenvolvimentu nasional nunee bele fo beins estar ba povu iha nasaun Ida nee. Tanba nee, Partidu CNRT la diskrimina kualker sidadaun.

Ema hotu ho volontariamente no konsensia rasik, bele ba hamutuk ho CNRT para lori dezenvolvimentu nasaun nee lao ba oin.

Reportajen: Alberto Menezes
Editor: Gaudensiu M.

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...