OJP CNRT Konsolida Haforsa Liu Tan Partidu Iha Baze

Juventude husi Postu Administrativu Same, Munisipiu Manufahe hili dalan sai membru Organizasaun Juventude Partidu (OJP) CNRT, juventude hirak nee hanesan eleitores foun i sira hetan konsolida mos husi OJP no CPN CNRT nasional. (Dok: STL)

AILEU, STLNEWS.co – Organizasaun Juventude Partidu (OJP) CNRT konsolida kuadrus militantes no simpatizantes sira iha munisipiu Aileu, hodi haburas ka haforte liu tan partidu CNRT iha baze.

Tuir Rogerio Araujo Mendonça hanesan Kordenador Partidu CNRT Munisipiu Aileu katak, iha fatin ida nee atu dezamina informasaun konaba partdiu politiku nian ba kuadrus partidu, ema hatene katak parpol sira hotu iha kuadrus maibe kada tinan lima, organizasaun masa hanesan CP, OJP, CPN sempre haforsa liu tan partidu.

“Ita bele hatete katak partidu CNRT hanesan ai-hun ida boot ida, iha nia ramu mak CP, OJP CPN mak fo moris ba ai-hun neebe mak moris. Atu dehan ba kuadrus partidu katak, objetivu konsolidasaun ohin loron atu transmite fila fali politik partidu nian liu hus OJP atu habelar informasaun ba militantes no apoiantes sira iha baze i agora partidu CNRT forte liu tan”, katak Koordenador Partidu CNRT Munisipiu Aileu Villa, Sabadu (04/10/2020).

Tuir nia, atu dehan katak, ohin nee mos sei hatoo informasaun konaba prosesu atu lori mina mai Timor nian nee oinsa, neebe ho konsolidasaun ida nee kuadrus sira mos sei fahe informasaun kona ba Tasi Timor nian, atu nunee hodi lori informasaun ba transmite fali ba militantes sira iha baze.

Nunee mos Koordenador Jeral Komisaun Jurisdisaun Partidu CNRT, Reprezenta CPN atual Deputadu Bankada CNRT Aderito Hugo ohin mai halo abertura ba konsolidasaun partidu CNRT nian iha Munisipiu Aileu.

“CPN hanesan ita hotu hatene ita nia maun boot desde eleisaun jeral 2017, mai fali eleisaun antesipada 2018, ita hanesan partidu boot no esperensia lidera nasaun ho karaer aliansa tanba durante istoria iha eleisaun parlamentar nian 2007, laiha partidu ida mak manan maioria mesak, uniku CNRT, mezmu manan maioria simples ka hanesan segundu mais votadu CNRT sempre hetan komfiansa hodi forma aliansa lidera governasaun desde 2007 too remata iha 2017,” katak nia.

Tuir nia, iha kontestu ida nee mak CPN iha responsabilidade boot atu kontinua halo kordenasaun ho aliadu sira tanba nee ohin nee servisu boot ida. Hanesan opozisaun kontinua konsentrasaun iha sede nasional nian hodi akompana politika rai laran nian. Tanba nee hanesan organizasaun masa motiva nafatin masa sira atu reforsa ka konsolida nivel baze, atu bele forte liu tan.

Iha konsolidasaun nee mos fahe informasaun kona ba oinsa dada kadoras mai Timor-Leste.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here