OJP CNRT Lautem Prontu, Karik Aban Mosu Eleisaun

TL Tenke Prepara Produtu, Labele Depende Importasaun

DILI, STLNEWS.co - Timor Leste (TL) tenke prepara ninia produtu, atu bele halo exportasaun ba merkadu internasional, no labele depende deit ba...

Graduasaun DIT Fo Rendimentu Ba Negosiante

DILI, STLNEWS.co - Graduasaun Dili Institute of Technology (DIT), neebe halo iha CCD fo rendimentu diak ba negosiante sira neebe faan ai...

Covid-19 Muda Moris Ba Setor Hotu

DILI, STLNEWS.cow - Pandemia Covid-19, muda ita nia moris iha iha setor hotu –hotu nomos edukasaun aprendizajen liu husi Media Online (MO),...

CNC Kontrola Transmisaun HIV/SIDA

DILI, STLNEWS.co - Comisaun Nasional Combate (CNC) HIV/SIDA ninia papel mak kontrolu problema transmisaun HIV/SIDA iha teritoriu Timor Leste. Iha Salaun Dominicano...

Kazu Violensia Domestika Barak Liu, Kompara Ho Kazu Seluk

DILI, STLNEWS.co - Kada loron Tribunal Distrital Dili, halao julgamentu ba kazu violensia domestika barak liu, kompara ho kazu seluk.

LAUTEM, STLNEWS.co – Ohin estrutura Organizasaun Juventude Partidu (OJP) CNRT Nasional no estrutura OJP Munisipiu Lautem, realiza atividade konsolidasaun hodi hametin forsa organizasaun massa partidu CNRT, aumesmu tempu iha konsolidasaun nee, sei fahe mos informasaun sobre tratadu tasi Timor no fo mos posse ba iha membru foun OJP partidu CNRT.

Ohin OJP CNRT Munisipiu Lautem ho estrutura OJP nivel nasional realiza atividade konsolidasaun, hodi hare fila fali servisu neebe presiza hadia, para iha futuru ita bele konsolida fali ita nia massa, hodi antisipa ba iha eleisaun aban bainrua karik keta mosu eleisaun, aumesmu tempu ita hotu hatene katak eleisaun Prezidensial mos besik dadaun ona, nunee mos ita halo mos prepasaun ba iha kualker eleisaun neebe maka atu mosu, OJP Munispiu Lautem prontu ona.

“Karik aban bainrua iha eleisaun antisipa, OJP CNRT Munisipiu Lautem prontu no preparadu ona hodi organiza nia militante sira hodi fo vitoria ba iha Partidu CNRT,” dehan Tiborsiu do Santos, Prezidente OJP CNRT Munispiu Lautem ba STL, iha salaun Ginajiu Lautem, Sabadu (26/09/2020).

Nia dehan, objetivu husi konsolidasaun OJP CNRT nivel munisipiu nee atu halo preparasaun ba kualker eleisaun neebe atu mosu, ho nee OJP CNRT Munispiu Lautem realiza atividade konsolidasaun hodi prepera votante foun sira neebe foin pela primeira atu hola parte iha eleisaun karik akontese eleisaun, sira preparadu ona atu vota ba iha CNRT.

“Konsolidasaun ida nee ami realiza hamutuk ho reprezentante OJP CNRT husi postu lima neebe ezisti iha Lautem nee rasik, postu hirak nee maka hanesan, Postu Administrativu Iliomar, Lautem, Lospalos, Luro no Tutuala. Ba futuru ami mos sei halo konsolidasaun hodi kobre ba iha postu Lima no 34 Suku,” haktuir nia.

Nia haktuir, atividade konsolidasaun neebe OJP CNRT Munisipiu no Nasional ohin halo iha Munispiu Lautem nee maka oinsa atu hametin liutan forsa OJP CNRT nian, hanesan organizasaun massa Partidu CNRT, nunee bele hametin liutan estrutura OJP CNRT iha baze.

“Em primeiru ami sei konsolida ami nia forsa, tanba kleur ona ami la tuur hamutuk, atu nunee ba futuru ami tuur hamutuk fila fali halo planu foun, segundu ami mos konvida eis Prezidente Timor Gap, Francisco Monteiro, hodi fahe hanoin ba juventude sira, liu-liu ba iha tratadu tasi Timor nian, ho impkatu ita nia Maun Boot Xanana rezigna an husi Xefe Negosiador Principal Fronteira Maritima, ho ida nee maka ami konvida nia mai atu sensibiliza informasaun nee, ba ita nia alin sira no mos estrutura OJP Munisipiu Lautem, konaba saida maka durante sira halo ona, nunee partidu se deit maka atu ukun iha futuru, sira kontinua deit tratadu tasi Timor nee,” akresenta nia.

Nia akresenta liutan, ita hotu hatene katak tasi Timor nee laos interese partidu ida rua nian maibe nee interese nasional nian, tanba nee presiza ita hotu nia apoiu hodi bele fo moris diak ba povu no nasaun, konaba preparasaun OJP CNRT nian bainhira mosu elisaun preparadu ona.

“Hau hanoin OJP Munisipiu Lautem prontu kualker tempu atu hasoru eleisaun saida deit maka atu mosu, tanba ida nee maka ohin ami konsolida forsa, tantu iha nasional, munispiu no suku 34, total possante neebe maka atu simu posse nee hamutuk 75,” tenik nia.

Husi observasaun neebe STL asesu iha terenu atividade konsolidasaun OJP CNRT iha Lospalos, sei fo mos posse ba membru foun OJP Munisipiu Lautem i fahe mos informasaun sobre tratadu tasi Timor ba partisipante sira, informasaun konaba tratadu Tasi Timor sei fahe direta husi eis Prezidente Timor GAP Francisco Monteiro, atividade nee marka prezensa mos estrutura Munisipiu Lautem, OJP Nasional, OJP Munispiu Lautem, Koordenador Partidu CNRT Cristu Rei, no estrutura Nasional CPN sei reprezenta husi Jacinto Rioberto. *

Reportajen: Crisogono Magalhães
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

TL Tenke Prepara Produtu, Labele Depende Importasaun

DILI, STLNEWS.co - Timor Leste (TL) tenke prepara ninia produtu, atu bele halo exportasaun ba merkadu internasional, no labele depende deit ba...

Graduasaun DIT Fo Rendimentu Ba Negosiante

DILI, STLNEWS.co - Graduasaun Dili Institute of Technology (DIT), neebe halo iha CCD fo rendimentu diak ba negosiante sira neebe faan ai...

Covid-19 Muda Moris Ba Setor Hotu

DILI, STLNEWS.cow - Pandemia Covid-19, muda ita nia moris iha iha setor hotu –hotu nomos edukasaun aprendizajen liu husi Media Online (MO),...
%d bloggers like this: